Génesis 48:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 48:15 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 24:20

Ca chaqa'ma' co'taxachigui aso nehoma, ỹocoriñigui ca ne'taxanataxanaxaqui, chaqai netalochaxanta piltaxasom caso ni'ỹa, vire'ta na' neme laquip sá'ogue so neloipi.

Génesis 24:40

Na'le, ca 'naapiguiỹa': Ỹim shiquetalec da llilnataxanaxac ñi qara'gaxala'. Ca ñi'maxare ỹa'auaxanta ma'le ca lelaatec piguim le'ec, qaiyi no'uen ca qayicyaxaqui'. Ca' 'ue aca coñita quiyim loua ñi ỹaalec quena iuo' lasellipi quená'maq llaallipi so ita'a.

Génesis 27:27

Ca co'na' nqo'neuo so Jacob quiyim nqo'goq, ca' so Isaac ncoỹaxanalo saua loho. Co'na'le, ca' ỹaanem da lqouagaxa, 'naaco': Ajá'a, chaqaina na ỹaalec lahita dajo. 'Ec na lahita ca no'ueenaxa, taalec nqai'en ca lqouagaxa ñi qara'gaxala'.

Génesis 27:4

Ca ma'le, ca 'viichi' ca reuolqui', lo'daxaraic nqai'ñi', ma' 'yiiñi' ñaman. Ca nodo'iro', sa'ic ma'le. Ca ma'le, ca saañiraxarom da iqouagaxa tomaq saqa' yileu.

Génesis 28:20

Ca' yí hua'ño' na' so Jacob 'uo' da ỹaanec la'qaatec, 'naaco': —No'm ñi qota'olec liỹaatac aỹim, chaqai cochiitapega aỹim queda ỹicyaxac queda saata'gue, chaqai ỹo'uet ca noq chaqai ca ỹooỹac,

Génesis 28:22

Ca' najo qa' salamaxajñi, ca' chaqaina lauo' ma'le ñi qota'olec. Chaqai se neme quiyim saanem ñi qota'olec ca 'óna queca diez quecá'ogue cá'maq nañaañim ñi'maxare.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Génesis 49:22

Ca' da José 'neetari' ma'le aca qo'paq neeto'ot na lahi ca huaxaỹaq, ỹaatqajam 'xoic ana la chaqai naua lasotee nqai'guerelec na napoxonaxat.

Génesis 49:24

qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!,

Génesis 49:28

Ca' 'ena ná'maq ne'qaipi quesaua doce llaalqa so Israel, ca' dajo dá'maq la'qaatco' na'le so leta'a queso llaalqaipi na' ỹaanem da no'uen llicyaxac.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

1 Reyes 3:6

Ca' so Salomón 'naaco': —Qami' ỹaatqajam re'xorenachiqui' yi ita'a David yí'maq relaachiqui', ma' yi'maxare ipacqajanchiguilo naua ra'qaataxahi', ca no'uen da nachaalataxac, chaqai ỹalamrete' naua la'deenataxanaxaco caqami'. Vichiguiño' ỹaatqajam 'xoriñi', chaqai vite na 'oonoqui' llaalec quiyim naalec nqai'en da lo'ueenataxanaxac quiyim nashi, 'nejem dá'maq 'ñitetegue aỹim quesaua na'xata'.

Salmos 16:8

Chaqai 'neetari' sqo ỹoxe'oga nqaishin ñi ỹa'gaxala', ñi'maxare hueeta'gue da ỹoic, ca' qaica cá'maq huaañi nqai'en aỹim.

Salmos 23:1

Ñi qara'gaxala' reloqotaỹa', 'ec nqai'en aỹim ca neloxoỹaq cana qagreta; ca' qaica ca souentaque.

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 4:5

Ca 'naaco' ñi qara'gaxala': —Ca' dajo 'neeta ma'le, qaiyi qoyiuelec quiyim nachaxana qami' najo na'gaxala', qota'olec quesó'maq 'auaxaic qataa'illipi, qota'olec queso Abraham, Isaac chaqai so Jacob.

Eclesiastés 5:12

Cá'maq ro'ueenataxan, 'eno'm cocho'qui' ca ỹa'ic loqo'm 'xoic, qam ỹaatqajam 'te'tegue ca lelaxac; qam ca nesallaxanec da lesallaxa sqai 'tegue nqai'en da lelaxac.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

1 Corintios 10:31

Hua', no'm qui'ii, loqo'm ni'chii, loqo'm canchaqaica liỹa 'viichii, 'viichii ná'ogue, qam maqajñitac ñi qota'a.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

Colosenses 2:6

Vichiguiño' quedá'maq 'ñiitari' na' coñiguit so qara'gaxala' Jesucristo, ca' chaqaida 'ñiitari' na'yiitau'a so'maxare,

1 Tesalonicenses 2:12

Chaqai saqataxalo qamiri quiyim ỹaatqajam quiijlec da leloxoỹaxac ná'maq mashic queeta'pegue' ñi qota'a, ma' roỹaxanalo qamiri, qaiyi viriỹau'a nqai'en da lo'ueenataxanaxac ma' ỹoiquentac ná'ogue najo chaqai da lichoxoric.

Hebreos 11:21

So Jacob qai'neeta ma' 'uo' da lpi'ỹaxac, ca co'na' mashic ileuetac, ca' ỹaanema da no'uen llicyaxague' saua laua', llaalqa so José. Ca ỹashiltalec na'le aso lashilete, ca' imaqachintac ñi qota'a.