Génesis 48:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam co'na' ỹashilgoto saua'maxare so Israel, ca nemeenta' nqai'ne' saua lqai'laqate'. Ca' queda loic ỹashil-lec na lqahic so Efraín só'maq paguec na'aasa, ca da nemaq ỹashil-lec na lqahic so Manasés 'eno'm chaqaiso só'maq paguec ỹi.

Génesis 48:14 Iomraidhean Croise

Génesis 41:51

Ca' so 'auaxaic llaalec ỹanegue leenaxat Manasés, loqo'm scoua'e, ma' 'naaco' da la'qaatec: Ñi qota'olec scoua'e nqai'en sá'ogue so i'xoric chaqai ná'ogue na iuo' laseripi.

Génesis 41:52

Ca' so dalaxaic llaalec, ca ỹanegue leenaxat Efraín, loqo'm paguelec ana ỹaxataxai, ma' 'naaco': Ñi qota'olec ỹo'uet quiyim 'ue na ỹaalqaipi quena 'laua hua'ñi na 'xoic da ñqa'viic.

Génesis 46:20

Ca' saua llaalqa so José caso Asenat leenqate': Manasés chaqai Efraín. Ne'qa'iñi na'le quiyi Egipto. Aso Asenat llaalo' so Potifera só'maq letaxaỹaxanqajnec na Egipto laseripi quena' qaretaxaỹa'pegue' na nenatqaipi, na'ñi yi na'a' On.

Génesis 48:13

Ime, ca iconeu'alo saua llaalqa, so Efraín pa'xana'gue da loic, chaqai so Manasés queda nemaq, ca' nqo'naxatero queso leta'a. Ca' so Efraín pa'aata'gue da nemaq so Israel chaqai so Manasés queda loic.

Génesis 48:17

Qam so José 'ec se ỹa'maxañi nqai'en dá'maq 'ne'tegue so leta'a quiyim ỹashil-lec na lqahic so Efraín queda loic. Ca' icono' da lqai'laxat so leta'a, ỹahotaque se qaỹashil-lec so Efraín, ca qaỹashil-lec so Manasés.

Génesis 48:18

Ca 'naac: —'E', qami' ita'a. Najo 'e'. Najo ná'maq paguec ỹi. Shillirelec na lqahic queda rqai'laxachi' qatoiqui' na'maxare.

Salmos 110:1

Ñi qara'gaxala' qota'olec 'naac caqami' ỹa'gaxala': Nqa'xañiriñi queda ỹoic, toco' ma' ỹovita quiyim sillo'oto naua qapiaachichi' na npa'guenaxaua'e'ipi.

Salmos 118:16

¡Da lquesaxanaxa ñi qara'gaxala' chalego lecaic! ¡Da lquesaxanaxa ñi qara'gaxala' ỹovira'a quiyim rauegaxan!

Éxodo 15:6

Qami' qara'gaxala', da qatoiqui' ỹaatqajam quesaxanaxaic, dá'maq ỹopoxoỹaxachigui so qanpa'guenaxaua.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 19:13

Co'na'le, ca 'vio' saua ñaaqolqai' qanaueguereu'a so Jesús quiyim ỹashil-lgoto chaqai nqouagaxainlgoto. Qam saua lapaxaguinatqa quepaqteta'pe saua nauecqataxana'.

Mateo 19:15

Ca' ỹashil-lec so ñaaqaipioqui'. Ca na' ime, ca' ca'e yí'maq hueete'e so Jesús.

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Lucas 13:13

Ca' ỹashil-lec queda lqai'laxat aso'maxare, ca chaqa'ma' nalamaxajñi, ca' imaqachintac ñi qota'olec.

Lucas 4:40

Ca co'na' mashic inoxonñi aso ra'aasa, ca ná'ogue na qomyipi ná'maq 'ue na ralolaxaic hueeta'ñi na la'a', ỹoreta'oguit na ralolaxa, qanodou'a so Jesús. Ca' so Jesús ỹahote'e ana laua chi ỹashil-lec quiñi 'óna queso qomyipi, chaqa'ma' imeuec nqai'en.

Hechos 13:3

Ca co'na' ime da nqouagaxainaxac chaqai da nqopaaqachitaxac so qomyipi, ca' qaỹashil-lgoto saua'maxare, ca qailate'.

Hechos 6:6

Co'na'le, ca qaỹaueguero saua'maxare quiyi hueese'e saua Jesús lelaatqa. Ca qanqouagaxainlgoto chaqai qaỹashil-lgoto saua'maxare.

Deuteronomio 34:9

Ca' so Josué, só'maq llaalec so Nun, chicqo'ot so Moisés da la'deenaxanaxa so'maxare, ma' so Moisés ỹashil-lec na'le so'maxare, ca nqouagaxainlec. Ca vichiguiño' so Israel llaalqaipi ỹaatqajam na'xaỹaxane'ta so'maxare, ca ipacqajanchigui dá'maq 'naaco' na'le ñi qara'gaxala' queso Moisés.

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

1 Timoteo 5:22

Mesqai chaqa'ma' coñira'a cá'maq viraque la'gaxala' ná'maq mashic icoñiguit da na'qaatec, 'neeto' lliquirau'a ca lasauaxaset ca liỹa. Ỹaatqajam richilliralta' quená'ogue na se ỹa'maxañi.