Génesis 48:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ime, ca 'naaco' queso José: —Tot sahotaque quiyim liỹa quet sauañiraxaua'. Qam ñi qota'olec ỹa'uo' quiyim seuanalo qai'neeta naua qachaalaxahi'.

Génesis 48:11 Iomraidhean Croise

Génesis 37:33

Ca co'na' no'uenegue so Jacob, ca 'naaco': —¡Ajá'a, chaqana na lachiimec ca ỹaalec! 'Uo' ca isecỹac toxonaxai ito' ca ỹaalec, ca ỹa'ic.

Génesis 37:35

Ca sá'ogue so llaalqaipi chaqai so llaallipi ỹahotaque quiyim lo'yigui lauel so'maxare. Qam so'maxare se ỹa'maxaren qaicochaq. Lama'xa noỹenteguelec da na'laxac so llaalec. Ca 'naaco' da la'qaatec: —Ỹim se seshit ñaqate' naua ỹoho ỹasouaxaqui', chi ỹovireto'o' quiyim llapoo'guit queca loma' na lqui'i na leuaxaiquipi.

Génesis 42:36

Co'na'le, ca 'naaco' so Jacob quesaua'maxare: —Qamiri ỹaatqajma' tot qaica nqai'ñii ca ỹaalec. Ca José mashic tot ỹalequetauguilo qomi', ca Simeón qai'neeta. ¡Chaqai nagui viitaque huootaxañiỹa'gue ñi Benjamín! ¡Ca dá'ogue chaqaỹimeta taateguelec!

Génesis 45:26

Ca co'na' qara'qaataxana so Jacob quiyim so llaalec José ñaqa 'ue nca'leetauec, chaqai chaqaiso só'maq reloqota'a yá'ogue yi 'laua Egipto, ca tot ỹa'den ca 'neeta chaqai qaica ca 'naac, ma' sqai huelec dá'maq qaỹa'xatetac.

Génesis 48:10

Ca' so Israel mashic qo'xoỹom, ca tot qailligueme' no'viiñi naua nqote', sqai ỹaatqajam nauanchiguiñi. Ca' so José nqo'naxatero saua ñaaqolqai' queso leta'a, ca so'maxare qa'aalguelo chaqai nqo'goxe'.

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

Efesios 3:20

Ca' nagui, ca' semaqachinaq ñi qota'a ñí'maq 'ue da lquesaxanaxa quiyim ishit ỹapacqajnauec cá'maq ỹo'uet quecá'maq sashiilaxanqataque, loqo'm ca sa'deenqataque, chicqochigui nqai'en da lquesaxanaxa hueetauguilo qomi', ro'ueenataxantac.