Génesis 48:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Israel mashic qo'xoỹom, ca tot qailligueme' no'viiñi naua nqote', sqai ỹaatqajam nauanchiguiñi. Ca' so José nqo'naxatero saua ñaaqolqai' queso leta'a, ca so'maxare qa'aalguelo chaqai nqo'goxe'.

Génesis 48:10 Iomraidhean Croise

Génesis 27:1

Ca' so Isaac co'na' mashic qo'xoỹom, ca' tot neuanñi. Ca' 'uo' so na'xa'a, ca roỹaxano' so Esaú só'maq 'auaxaic llaalec, ca 'naapego': —¡Qami' ỹaalcolec! Ca' so Esaú saato': —¿Negue'ca, qami' ita'a?

Génesis 27:27

Ca co'na' nqo'neuo so Jacob quiyim nqo'goq, ca' so Isaac ncoỹaxanalo saua loho. Co'na'le, ca' ỹaanem da lqouagaxa, 'naaco': Ajá'a, chaqaina na ỹaalec lahita dajo. 'Ec na lahita ca no'ueenaxa, taalec nqai'en ca lqouagaxa ñi qara'gaxala'.

Génesis 31:55

Ca na' richiguiñi, ca' so Labán ne'laxashiguim, ca' qo'goxe' saua laua' chaqai saua llaale. Ime, ca' ỹaanem da nqouagaxa, ca' pilegue dá'maq chi la'a'.

Génesis 45:15

Na' ime, ca' so José nqo'goq so lqaỹaripi, ca' noỹen quena' qa'aalgue. Ca na' ime dajo, ca saua lqaỹa' qaigueme ishite' retaxaira'pegue'.

Génesis 48:11

Ime, ca 'naaco' queso José: —Tot sahotaque quiyim liỹa quet sauañiraxaua'. Qam ñi qota'olec ỹa'uo' quiyim seuanalo qai'neeta naua qachaalaxahi'.

Génesis 48:8

Ca na' so Israel ra'ỹauguilo saua llaalqa so José, ca renataxano', 'naaco': —Qam dauajo, ¿negue' daua'maxare?

1 Reyes 19:20

Ca' so Eliseo chaqa'ma' ỹaxanec so ñii'lolaipi, ca' ne'guenta, co'uaategue so Elías. Ca co'na' ỹovi', ca 'naaco': —Qouaquiric, ñaqai cocho'qui' ñqo'goxe' yaua ita'al, ca spoyiguine'. Ca ma' ime, ca' shiguegue qami'. Ca' so Elías 'naaco': —Ajá'a, mo'e', qui'. Qam ma'le, ca' cocho'qui' ñaqai o'lliinchira'a dá'maq shi'ntegue caqami'.

Eclesiastés 12:3

Ca' ỹovita ma'le ca laloqo' quiyim i'loxol na neloxoỹaripi quiñi 'imec lodegaxat, chaqai nemanñi na 'ñaaxaiquipi; chaqai sqo vito'olli' cauá'maq no'ueendañi richigoxosoxonta'pe, ca ỹaxañiñi da lichigoxosoxonaxague'; ca ná'maq ra'ỹaauec quecaua nqotel, chaqa'ma' na'lerañi naua nqote'.

Isaías 59:1

Da lquesaxanaxa ñi qara'gaxala' se naqaguiñi quiyim se ishit ca'laqataxan, chaqai mese ra'ñaagui lqahic quiyim 'ec se na'xaỹaxan.

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Deuteronomio 34:7

Ca so'maxare ileu na' ỹovite' saua ciento veinte ñaxari, qam chi ỹovireta'a da lelauaxa, qam ñaq lo'yaxanqa naua nqote' chaqai ñaq quesaxanaxaic.

1 Samuel 3:2

Qam ỹovito' so na'xa'a quiyim so Elí tot qailligueme' neuanñi, laqato' hueetaugui ca lauo'.

1 Samuel 4:15

Qam so'maxare tot nauanñi, ma' mashic ỹovite' yaua noventa y ocho ñaxari.