Génesis 47:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so José ỹauego qai'neeta so leta'a Jacob quiyim nauañiguit so Faraón. Ca' so Jacob niquine'e' so Faraón, ỹa'maxate'tegue da liquinaxanaxac.

Génesis 47:7 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 47:10

Ca co'na' ime, ca' so Jacob niquine'e' so Faraón, ca' pilec queca la'a'.

Génesis 47:8

Ca' so Faraón inato' so'maxare, 'naaco': —¿Ỹote' caua niñaxari' nagui?

2 Samuel 19:39

Ca co'na'le, ca' sá'ogue so qomyipi ỹapacta aso lachiugue Jordán. Ca co'na' mashic ỹapacta so nashi, ca nqo'goq so Barzilai, ca' niquine'e'. Ca co'na'le, ca' so Barzilai pila ca na'ñi ca la'a'.

1 Reyes 1:47

Ca' na nashillipi lotauaripi ñi David quepegue' ñi'maxare, netoonta'pegue chaqai qarashiilaxantalec ñi'maxare quiyim ñi qota'olec no'uen nqai'en ca lo'ueenataxanaxac ñi Salomón quiyim nashi, chaqai paguec lecaic ca lo'ueenataxanaxac, napacalec ñi leta'a. Ca' ñi nashi David qai'neeta nqai'guiñi, neetalec yi lomala', ca' nqouagaxainot ñi qota'olec.

1 Reyes 8:66

Ca' queso liỹa na'xa'a, ca' so nashi niquine'e' so qomyipi mashic pil, ca' so qomyipi nqouagaxainteguelec quiyim no'uen ca llicyaxac so nashi. Ime, ca' so qomyipi pil quenaua la'aate', 'ue da netoonaxac, chaqai ỹa'maqachigui lauel quená'ogue ná'maq no'uen lo'ueenataxanaxac ñi qota'olec na'le queso lelaatec David chaqai ná'maq lalamaxareteripi llaalqaipi so Israel. (9.1-28 Ñi qota'olec liỹa nachaxana so Salomón. So Salomón retaxaỹa'pegue' so nashi Hiram. Lo'ueenataxanaxaquipi so Salomón.)

2 Reyes 4:29

Ca co'na'le, ca' so Eliseo 'naaco' queso Giezi: —Na'maxachiriñi, coñichiguit ana ỹashilete, ca' 'itegue da'maxare. Ca no'm 'ue ca nachiñira'guit, totaxan quiñi'o'. Chaqai no'm 'ue ca riquiñi', totaxan saachichiguito'. Ime, ca' ana ỹashilete lli'relec na lashic ca noctoqui'.

Éxodo 12:32

'Xachii qai'neeta ana qalohi qagreta chaqai ana huaca dá'maq viitaque quen. Ca' mohi, oquii. Ca' shiilahi ma'le ñi qota'olec, nqouagaxaiñilec aỹim ma'le.

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

1 Pedro 2:17

Qaica ca napaguiỹalec, 'maxachii'tegue ná'ogue na qomyipi. Chaqai 'xoriñii ná'maq mashic icoñiguit da na'qaatec. Ro'chiỹa ñi qota'a, chaqai se napaguiỹalec ca lashi na nashillipi.

1 Samuel 2:20

Ca' so Elí ỹaanem da lqouagaxa so Elcana chaqai aso Ana, 'naacsa': —Ñi qara'gaxala' ỹaanem qami' ma'le ca liỹa llaalqaipi dajo 'aalo, laseue' nqai'en da llaalec ỹaanot ñi'maxare quiyim ro'ueenataxanot. Ca co'na' ime dajo, ca' saua'maxare pile' queca la'aate'.