Génesis 47:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' najo 'laua Egipto 'viiquiñi'sac, 'ỹaañitem ma'le yi 'laua Gosén yí'maq paguec loyac quenajo 'laua, qaiyi 'neralec yi'maxare. Chaqai no'm 'ue ca ỹa'den reloxoỹa'a ca 'aatet nelo, ca chaqaica reloxoỹa'a nqai'ñi' na ña'aateteripi.

Génesis 47:6 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 13:9

'Ena ná'ogue na 'laua, nca'a'irigui. Qouaquiric noỹoochirec caỹim. No'm 'itegue da rapiguim, ca' ỹim saico' da 'guiñi, chaqai no'm qami' 'itegue da 'guiñi, ca' ỹim saico' da rapiguim.

Génesis 20:15

Ca 'naapego': —'Ena na ña'laua, nca'a'iraque cá'maq paguec rqo'chita, ca' ñiralec.

Génesis 34:10

Ca' chaqai ñiita'ñi najo, qamiri qouora'. Chaqai cá'maq sham 'ñiita'gue na qara'a' quiyim ñiitalec. Nimiiñitac, chaqai shiujnaxañiỹaque ca na'lauahi.

Génesis 45:10

Ñiỹalec ma'le yi 'laua Gosén, riỹahitac na qachaalaxahipi, chaqai ná'ogue na qalohipi, chaqai na roviñiguii, chaqai sqoỹoqapiguii qamiri caỹim.

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Génesis 47:11

Ca' so José ỹo'ueeto' na'laua, ỹaanemo' ná'maq paguec loyac quiyi 'laua Egipto, qaiyi naalec so'maxare, ipacqajanchigui dá'maq 'naaco' na'le so Faraón. Ca' so leta'a chaqai so lqaỹaripi 'ue na'laua quiyi 'laua Ramsés huaugui yi Gosén.

Génesis 47:16

Ca' so José 'naaco': —Noma' tot qaca aca qadamii, ca' naviguiuo meca qalohi, ca' sañiguit ma'le ca trigo.

Génesis 47:4

Qomi' ñanaguinaxapegue' najo, sahoqotaque senqalec najo 'laua, ma' queda Canaán ỹaatqajam 'xoic da nqopaaxa, chaqai qaica na 'uaqapi loq ana qolo qagreta. ¿Chi'neco' ma' se qouaquiroxoric quiyim senqa'ñi quet yi 'laua Gosén?

Génesis 47:5

Co'na'le, ca' so Faraón 'naaco' queso José: —Ca qataa'i' chaqai caua rqaỹachi' shi'gue novirero lapoota'guita qami'.

1 Reyes 11:28

Ca' so Jeroboam ỹaatqajam 'ñaaxaic chaqai canchaqaica ca chaqa'ma' chaqaida nqai'en. Ca' so Salomón co'na' iuana quiyim so ne'nec chaqaida nqai'en cá'maq canchaqaica, ca so'maxare reloxoỹa'a nqai'en ná'ogue na llaalqaipi so José.

Éxodo 9:10

Ca so Moisés chaqai so Aarón ỹaconta so lo quiñi nqatelaxanaxaqui, ca' querepegue' so Faraón. Ca' quiyi, ca' so Moisés imiishiguim so lo, ca' na qomyipi chaqai na iseripi quenaq ná'ogue na loshicmaxa.

Éxodo 9:21

Qam 'uo' na liỹa sqailligueme' huelec da 'naac ñi qara'gaxala', ca ỹaxantac quiyim qaica ca ỹano'ot lapooque' na lelaatqaipi chaqai na laloipi, ca' hueetauec nqai'en.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.