Génesis 47:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 47:30 Iomraidhean Croise

Génesis 15:15

Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 23:17

Ca' chaqaido' da 'neeto' na'le yi na'laua so Efrón hua'ñi yi Macpela pa'a'gue da lqodoigue quiyi Mamre, yijo 'laua liỹa'ogue' so lauac chaqai ná'ogue ana qo'paq pa'aataugui yi'maxare.

Génesis 23:19

Ca na' ime dajo, ca' so Abraham ishinñi aso Sara quiñi lauac na'ñi yi Macpela. Yi'maxare pa'ỹa'gue da lqodoigue quiyi Mamre. Yi'maxare qaiyiita qaỹa'den quiyim qohinac Hebrón, chaqai huaugui yi 'laua Canaán.

Génesis 25:10

Yijo 'laua chaqaiyo' yí'maq lishiujnaxanaxato' na'le so Abraham queso hitita laseripi. Ca hua'ño'yi na'le na' qaishinñi so Abraham, qaỹauaxaỹaxane'te' aso loua Sara.

Génesis 25:9

Ca' qaishinño' na'le quesauá'maq chaqai llaalqa Isaac chaqai so Ismael quiñi lauac na'ñi yi Macpela, pa'a'gue da lqodoigue quiyi Mamre, na'laua so Efrón, llaalec so Zohar só'maq hitita le'ec.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 50:25

Co'na'le, ca ỹo'uet quiyim so llaalqaipi so Israel ỹaanot da la'qaatec ñi qota'olec. Ca 'naaco' quesaua'maxare: —Ỹaatqajam llic ñi qota'olec rotauañii ma'le. Ca ma' ỹovirelec ipaquichigui dajo, ca 'xachii'o' ma'le na ipi'naqa.

2 Samuel 19:37

Qam chaqaidaata quiyim sashiila'e' quiyim sopil ma'le queda ỹa'a', ma' sahotaque quiyim chaqaiyi seua'ñi ma' yileu, qaiyi qayishiñi'ñi ma'le cá'maq huera'ñi caua ita'al. Qam qami' ỹashi, dajo liỹa nalli'i', da'maxare chaqai ỹaalec, leenaxat Quimam. Ca qami' liỹaatac da'maxare, ca qami' chaqai 'viiquiñi'sac cá'maq 'ñi'sa'gue queda'maxare.

Nehemías 2:3

Ca' shinac na'le queso nashi: —¡Ỹaatqajam se neme quiyim qami' nashi! ¿Negue' quet cá'maq 'neeta quet quiyim se sachicota? Ma' yi na'a' lelauaqate' yaua ita'al ỹaatqajam qanopoxoỹaxajñi chaqai naua lasomi' ỹoviquete'.

Nehemías 2:5

Ca' shinac na'le queso nashi: —Qami' ỹashi, no'm 'maxariñite' da ỹa'qaatec, no'm chaqaiyi quiyim rqouaquitegue aỹim, ca' sashiila'e' quiyim yilachitegue da Judá yí'maq na'a' huera'ñi yaua ita'al, ma' sahotaque quiyim liỹa ño'xonshiguim.