Génesis 47:22 - La'qaatqa ñi qota'olec Qota'olec & Qota'olec Novita Na Qomyipi

²² Qainaata na na'laua na netaxaỹaxanqajanqaipi quena' qaretaxaỹa'pegue' na nenatqaipi, se rishiujnaxana so José, ma' so Faraón ỹaante'em na trigo. Vichiguiño' se imen na na'lauaripi, ma' so Faraón ỹaante'em na loq.

Génesis 47:22 Iomraidhean Croise

Génesis 14:18

Qai'neeta so Melquisedec, so'maxare nashi quiyi Salem chaqai letaxaỹaxanqajnec na qomyipi quena' qaretaxaỹa'pegue' ñí'maq qaica 'nejem qota'olec, so'maxare naueguec so pan chaqai so lataxa.

Génesis 41:45

Ca' so Faraón ỹa'uo' da dalaxaic leenaxat nqai'en so José, ỹanco' da la'aamataxanaxat na Egipto laseripi Zafnat-Panea, chaqai ỹo'naxañiguit aso Asenat, llaale so Potifera, só'maq letaxaỹaxanqajnec na Egipto laseripi quena' qaretaxaỹa'pegue' na nenatqaipi. So Potifera na'ñi yi na'a' leenaxat On. Ca chaqaido' da 'neeta na'le so José co'na' idaanlec nqohin yi Egipto.

Génesis 41:50

Na' saqa' novite' saua ñaxari chalego da nouenaxanaxa, ca' so José mashic dos saua llaalqa caso loua Asenat.

Génesis 47:21

Ca sá'ogue so Egipto laseripi ỹovira'a quiyim la'aquipi so Faraón quiyá'ogue yi 'laua Egipto.

Génesis 47:23

Co'na' ime, ca' so José 'naaco' queso qomyipi: —Nagui, ca' qamiri chaqai na na'lauahi taỹot ñi Faraón, ma' ỹim seshiujnaxana sauaaque lalamaxaret ñi'maxare. Ca nagui, ca' 'ana aná'maq qadañicshii, qaiyi ỹañilec na 'laua.

Génesis 47:26

Ca' chaqaida 'neeto' na'le so José na' ỹa'yiñi quiyim qaishiueten so Faraón, qanaqata'a añi 'óna quecaua cinco ala quená'maq qoỹanñi quiyá'ogue yi 'laua Egipto. Ca' dajo ñaqaida 'neetari' nagui, qam na netaxaỹaxanqajanqaipi sqaca aca ishiueten, ma' na na'laua se ỹovita quiyim looỹac so Faraón.

Esdras 7:24

Chaqai qai'neeta ỹaatqajam qaỹa'deenta quiyim se qaỹa'maxaren 'ue aca ishiueten na netaxaỹaxanqajanqaipi chaqai na lotauaripi, no'ueenaxanyipi, lasom lo'ollipi chaqai na reloqota'a añi no'ueenaxanaxaqui, loqo'm canchaqaica liỹa neloxoỹaq cañi lo'ueenaxanaxaqui ñi qota'olec.

Mateo 10:10

chaqai aca noviñichii lahi' queca nayic. Chaqai 'oonoqui' ca nelamaxaguii 'xachii, chaqai sqai 'xachii caua qapelachirii, chaqai aca rashillichii. Ma' ca 'ueenataxanaxai ỹaatqajam qui'iigui ca lo'ueenataxanaxac.

1 Corintios 9:13

Qamiri 'yiiñita quená'maq ỹo'ueetetac nanchaqaina huaugui aca no'ueenaxanaxaqui quiyi Jerusalén, na'maxare chicqaugui aca laseuete da lo'ueenataxanaxac. Dá'maq ỹaatqajam shinac 'neetasa': Quená'maq idaanteguelec aca ncopatoxonaxalate quena' qaỹavigaxat na nachitaxanataxanaxat huaca la'at, na'maxare ỹa'queetac na qaỹoỹoota'oga la'at.

Gálatas 6:6

Qam cá'maq qaỹapaxaguinegue da la'qaatec ñi qota'a, ca' nouane'te' ca napaxaguinatqo' quecanchaqaica louenec.

2 Tesalonicenses 3:10

Ma' na' seuqatauguilo qamiri, saanaxauec da qara'qaatec quiyim shinqac: ¿Qa' que'o' cá'maq se ro'ueenataxan?

1 Timoteo 5:17

Ná'maq na'gaxalateripi quiyim ỹa'den da lcochaxac quená'maq mashic icoñiguit da na'qaatec, ca'maxare ỹaatqajam qaỹauotegue chaqai qaỹotauan, pagueco' no'm quelec quiyim ỹa'xate' naua la'qaatqa ñi qota'a chaqai rapaxaguinataxanguelo.