Génesis 47:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca qami' shiujnaxañitalo qomi' chaqai na qana'laua, taỹa'guit nqaishinaq ca trigo, ca qomi' la'aqa ñi Faraón, cá'ogue cá'maq so'ueetaq taỹot ma'le ñi'maxare. Ta'ta'a quiyim 'ỹaañitema qomi' aca qodanecse, qaiyi qarca'leuec, chaqai quiyim se na'laañi na 'laua. Ma' ¿chi'negue queta' 'xañitegue qomi' quiyim qareleu qariỹaata'ñi' na qana'laua?

Génesis 47:19 Iomraidhean Croise

Génesis 41:36

Ca' na trigo qaỹa'maxat quenajo 'laua, qaiyi na qomyipi se ỹalauat lqopaaxa quenaua siete ñaxari ne'xoyaxaqui' naasalec najo 'laua Egipto.

Génesis 47:15

Ca co'na' tot qaca ana nam quiyi Egipto chaqai quiyi Canaán. Ca' so Egipto laseripi quepegue' so José, ca 'naaco': —¡Vite ca qonoq! Se ỹa'maxañi queta' qaralauachitegue ca qarqopaaxa quiyim mashic tot qaca aca qodam.

Génesis 47:18

Qam na' ime so ñaaxa, ca' queso liỹa ñaaxa, ca lotqai qoyicpegue' so José, ca' qohinac: —Se ñañoxotqategueñi quiyim tot qaca aca qodam. Chaqai na qoloipi mashic taỹot qami'. Ca' qaica quet cá'maq liỹa saanqaem qami', ta'ta'a na qana'laua chaqai qomi' ñañaanqalta'.

Génesis 47:20

Co'na'le, ca' so José rishiujnaxana yá'ogue yi 'laua Egipto, ỹa'ue na'laua so Faraón, ma' so Egipto laseripi imeene' naua na'lauari paguelec na lqopaaxa. Ca' so Faraón ỹomata'ta' lalamaxaret yá'ogue yi 'laua Egipto.

Job 2:4

Qam so na'ỹaapec 'naaco' quiñi qara'gaxala': —No'm ca 'óna saqa' qaiqueuocau'a na loshicmaxa, ca' ỹaqamqata quená'ogue. Ca qom qaica ca itena'a quená'ogue, ma' ỹahotaque nca'laxatec da chi nachaalataxac.

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?