Génesis 47:12 - La'qaatqa ñi qota'olec Qota'olec & Qota'olec Novita Na Qomyipi

¹² Chaqai so José ỹo'ueetetaco' na loq sá'ogue so lqaỹaripi quecá'maq taachi'ñi ca louenaxanaxa quiñi 'óna.

Génesis 47:12 Iomraidhean Croise

Génesis 45:10

Ñiỹalec ma'le yi 'laua Gosén, riỹahitac na qachaalaxahipi, chaqai ná'ogue na qalohipi, chaqai na roviñiguii, chaqai sqoỹoqapiguii qamiri caỹim.

Génesis 45:11

Quenajo sa'ue ma'le ca qanoxohi, chaqai cá'ogue ca qachaalaxahipi, chaqai cá'ogue cá'maq qauorahi, qaiyi qaica ca viñiỹaque. Ma' ñaqai naate' naua liỹa' cinco ñaxari nqopaxaqui'.

Génesis 45:7

Qam ñi qota'olec ya'auaxan yila', qaiyi qamiri 'ue aca qachaxataxahi quena 'laua, qaiyi 'ue ca ne'laxa quiyim ñca'laxaterec qamiri queda nqopaaxa.

Génesis 47:1

Ca' so José eec ỹa'ue la'xaỹaxac so Faraón. Ca 'naapega quiyim so leta'a chaqai so lqaỹaripi novi', chicqota'gue da Canaán, chaqai mashic neeta'ñi yi 'laua Gosén, ne'xateta ana lalo qagreta chaqai ana huaca chaqai ná'ogue na louenqaipi.

Génesis 47:21

Ca sá'ogue so Egipto laseripi ỹovira'a quiyim la'aquipi so Faraón quiyá'ogue yi 'laua Egipto.

Génesis 47:24

Qam naqachiu'alo ca 'óna quecaua cinco ala queca qadañicshiguii, ca 'ỹaañim ñi Faraón. Ca' quecaua cuatro no'ueendañi, ca taỹaugui quiyim liỹa ñiiñi quena 'laua chaqai quiyim a'guii qamiri chaqai naua qachaalaxahi chaqai ná'ogue ná'maq qauorahi.

Génesis 50:21

Ca vichiguiño' totaxan ro'chii. Ỹim saanema qamiri ca qanoxohi chaqai naua qachaalaxahi. Ca' chaqaida 'ne'teco' na'le so José na' ỹo'daqaine', ma' ỹaatqajam ineequesente' saua'maxare.

Éxodo 20:12

Na'xaỹaxañita ca qataa'i' chaqai aca qachii'i', qaiyi ladoc aca rqauaxagui'i' quena 'laua ná'maq saanem qami' ỹim ra'gaxalachi' qota'olec.

1 Tesalonicenses 2:7

Ta'ta'a quiyim seneequesenqate' sichirqa'teguelo qamiri, 'ec aca 'aalo quiyim iỹaxatetac chaqai cochiitapega ca llaalqaipioqui'.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

1 Timoteo 5:4

Qam no'm aca pa'ỹe 'ue ca llaalec loqo'm laual, ca' caua'maxare ỹa'auaxane' idaandelec da chi no'ueenataxague', chaqai quiyim ỹotauane' ca chi lauote' le'ec, ỹo'leenta'a dá'maq notauanaxac quecaua leta'al, ma' dá'maq dajo dá'maq ỹaatqajam no'uen chaqai nqo'ta ñi qota'a.

1 Timoteo 5:8

Ma' ca qom quiyim se idaanlec cá'maq chi lauo' laseripi chaqai paguec quená'maq lalamaxaret llaalqaipi, ca' ỹit dá'maq ỹaatqajam npi'ỹaxac. Ca dá'maq 'neetari' paguec la'aaxa quecá'maq saqa' icoñiguit da na'qaatec.

Rut 4:15

Ca'maxare ỹo'uet ca na'ñaaqataxaqui' chaqai reloqota'a qami' ma' qami' qo'xoỹom, ma' llaalec añi rachi'i' ñí'maq ỹaatqajam qami' lqo'itqate. Ca 'enquetqai siete caua qachaalaxahi', qam añi'maxare ỹapacauec.