Génesis 47:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so José ỹo'ueeto' na'laua, ỹaanemo' ná'maq paguec loyac quiyi 'laua Egipto, qaiyi naalec so'maxare, ipacqajanchigui dá'maq 'naaco' na'le so Faraón. Ca' so leta'a chaqai so lqaỹaripi 'ue na'laua quiyi 'laua Ramsés huaugui yi Gosén.

Génesis 47:11 Iomraidhean Croise

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Génesis 47:27

Ca' so Israel llaalqaipi naalec yi Egipto, ỹa'ue la'a' quiyi 'laua leenaxat Gosén. Ca quiyi'maxare, ca' nqo'neuec, ca ỹaatqajam 'xoic.

Génesis 47:6

Ca' najo 'laua Egipto 'viiquiñi'sac, 'ỹaañitem ma'le yi 'laua Gosén yí'maq paguec loyac quenajo 'laua, qaiyi 'neralec yi'maxare. Chaqai no'm 'ue ca ỹa'den reloxoỹa'a ca 'aatet nelo, ca chaqaica reloxoỹa'a nqai'ñi' na ña'aateteripi.

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 12:37

Ca' so Israel llaalqaipi co'na' eec, ca'e yi Ramsés que'tegue yi leenaxat Sucot. So'maxare 'uo' ca sham ỹovi' seiscientos mil ỹalliripi co'ueetañi mashic ỹovite' yaua niñaxari quiyim taho quena nouaataxanaq. Qam se qanaloqochin ana 'aalo chaqai na ñaaqaipioqui'.

Juan 10:10

Ca cuataxai chaqaidaata naga'a da locuataxac, lalauataxanaxac, chaqai da leuacqataxanaxac; qam ỹim ñanac, qaiyi 'ue da lca'laxa na'maxare, chaqai 'xoic ma'le da lca'laxa.

Juan 10:28

Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 14:2

Ma' yi la'a' ñi ita'a ỹaatqajam 'xoic na na'aateripi. Ma' quet mesqaida, ca shi'gue quet shinapegalo qamiri. Aỹim shic, qam sa'maxajñi ca ra'aari.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.