Génesis 47:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so José eec ỹa'ue la'xaỹaxac so Faraón. Ca 'naapega quiyim so leta'a chaqai so lqaỹaripi novi', chicqota'gue da Canaán, chaqai mashic neeta'ñi yi 'laua Gosén, ne'xateta ana lalo qagreta chaqai ana huaca chaqai ná'ogue na louenqaipi.

Génesis 47:1 Iomraidhean Croise

Génesis 45:10

Ñiỹalec ma'le yi 'laua Gosén, riỹahitac na qachaalaxahipi, chaqai ná'ogue na qalohipi, chaqai na roviñiguii, chaqai sqoỹoqapiguii qamiri caỹim.

Génesis 45:16

Ca' quiñi lauo' so Faraón ỹoviro so na'xaỹaxac quiyim ỹovite' saua lqaỹa' so José. Ca' so Faraón 'ue da netoonaxac chaqai sá'ogue so lotauaripi.

Génesis 46:28

Na' saqa' ỹovi' so Jacob, ca ỹa'auaxan so Judá quiyim quepegue' so José, qaiyi qoyica'guit quiyi 'laua Gosén. Ca na' ỹovijta yi Gosén,

Génesis 46:31

Ime, ca' so José 'naaco' quesó'maq novi' chaqai queso liỹa llaalqaipi so leta'a: —Aỹim shicpegue' ca Faraón, sa'ue la'xaỹaxac quiyim mashic novi' na ỹaqaỹaripi ná'maq llaalqaipi ñi ita'a neeta'gue na'le da Canaán, novita ỹim quiyim iuoraripi.

Génesis 46:34

ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.