Génesis 46:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ime, ca' Jacob eec, ca'e yi Beerseba. Ca' so llaalqaipi so Israel renojshiguim nqai'en so leta'a, chaqai so llaalqaipi, chaqai saua louaaripi saua'maxare quesaua nahoglena nelate' so Faraón, ỹahotaque lahiri ma' qai'xate' saua'maxare.

Génesis 46:5 Iomraidhean Croise

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 45:19

'Ñirapegalo quiyim i'xate' caua nahoglena quena Egipto, ca ne'xate' caua loua', chaqai ca llaalqaipi, chaqai cá'maq qataa'i. Qai'neeta anac,

Génesis 45:21

Ca' saua llaalqa so Israel chaqaida 'netetegue. Ca' so José ỹaandec saua nahoglena relaataxanlgoto so Faraón chaqai so nouenete' queso nayic.

Génesis 45:27

Qam qaỹa'xatem dá'ogue dá'maq 'naaco' na'le so José, ca na' iuanalo saua nahoglena qaỹauaapigui lahiri ma' eec queso José, ca ỹaatqajam 'ue da lpe'e.

Éxodo 10:24

Co'na'le, ca' so Faraón relaataxane'ogo' so Moisés, ca 'naaco': —Mohi, quiipegue' ca ra'gaxalari, ca nqouagaxaiñiỹot. Ca 'xachii naua qachaalaxahi, qam no'ueenaqchiỹañi quenajo ana qalohipi qagreta chaqai ana huaca.

Éxodo 10:26

Chaqai ná'maq qoloipi se'xataq. Qaica ca ño'ueenaqtaqañi, ma' ma'le, ca' ñica'axagui, ca' 'ue ca seconaxau'a, ca' semaqachinaq ñi qota'olec ñí'maq qara'gaxala'. Ma' quiyim saqa' soviraq, ca saqa' sa'deenaq cá'maq souenaq quiyim semaqachinaq ñi qara'gaxala'.

Hechos 7:15

Ca' chaqaida da 'neeto' quiyim so Jacob taigue da Egipto, ca na'ñi. Ca hua'ñiyi co'na' ileu, chaqai qai'neeta só'maq 'auaxaic qareta'allipi ileua'anyi.