Génesis 46:34 - La'qaatqa ñi qota'olec Qota'olec & Qota'olec Novita Na Qomyipi

³⁴ ca' qamiri 'ñiỹaco' dá'maq ỹaatqajam qaro'ueenataxanaxac qaidaata da quiyim seloxoiqata'a ana qagreta shinqatam yí'maq 'auaxaic qareta'allipi. Qaiyi shichii ñiỹalec najo 'laua Gosén, ma' na Egipto laseripi se qaỹa'maxariñiguit quiyim lauora na neloxoỹaripi cana qagreta.

Génesis 46:34 Iomraidhean Croise

Génesis 13:7

Ma' só'maq neloxoỹaripi caso lalo so Abram nco'uaate'e' só'maq reloqota'a aso lalo so Lot. Chaqai quesauajo na'xata' ñaqai neetalec yijo 'laua so cananeoipi chaqai so ferezeoipi.

Génesis 13:8

Ca' 'uo' so na'xa'a, ca' so Abram 'naaco' queso Lot: —Qomi' neuo' lase'. Ca' se ỹa'maxañi quiyim 'ue quet ca se ỹa'maxañi coqomi', chaqai quenaua relaataxahi' chaqai quenaua ilaatqa.

Génesis 26:20

Qam so neloxoỹaripi caso qagreta quiyi Gerar nco'ỹa'e'o' so neloxoỹaripi caso qagreta lalo so Isaac, ma' 'neraco' quen quiyim looỹague' sojo huaxaỹaq. Ca' vichiguiño' so Isaac ỹanco' leenaxat co'uaqa' asojo ni'ỹa, ma' qanco'uaquio' na'le aso'maxare.

Génesis 30:35

Qam chaqaiso sojo na'xa'a, ca' so Labán ỹoỹoote'oga sá'ogue so quetaqaipi 'ue ana lete, chaqai ná'ogue ana quetaq 'vii naua lachi', chaqai na qagreta llaalec laueraxaic, ca' ỹaanema saua llaalqa quiyim reloxoira'a.

Génesis 34:5

Qam so Jacob mashic ỹa'den quiyim so Siquem chaqai iualaxain aso llaale Dina. Qam qaica ca ỹa'xat, ma' saua llaalqa ñaqai hueesa'oga so no'ueenaxa, reloqosa'a na laloipi. Ca' nauaanta'a quiyim novirero saua'maxare.

Génesis 37:12

'Uo' so na'xa'a, ca saua lqaỹa' so José taategue da Siquem, idaansaque lqui'ỹaaqa' quena 'uaqapi saua laloo qagreta ca leta'a'.

Génesis 37:2

Ca' dajo dá'maq na'qaataxac só'maq llaalqaipi so Jacob. Ca co'na' mashic ne'nec so José na' mashic ỹovite' saua diecisiete ñaxari, ca' reloqota'a ana qagreta, liỹareta'pe saua lqaỹa' saua llaalqa aso Bilha chaqai aso Zilpa sauá'maq chi leloxoỹaxanata so leta'a. Ca' so José ra'qaataxanem so leta'a quiyim ỹaatqajam se no'uen da no'ueenataxague' saua lqaỹa'.

Génesis 43:32

Ca' so José qaỹoỹooteta'oga ca lqui'ỹaaqa' queca lqui'ỹaaqa' so llaalqaipi so Jacob, chaqai so liỹa ỹoqotec lqui'ỹaaqa' so Egipto laseripi, ma' na Egipto laseripi se qaỹa'maxaren lqui'ỹaxaua na hebreo laseripi.

Génesis 45:10

Ñiỹalec ma'le yi 'laua Gosén, riỹahitac na qachaalaxahipi, chaqai ná'ogue na qalohipi, chaqai na roviñiguii, chaqai sqoỹoqapiguii qamiri caỹim.

Génesis 45:18

Ca' nauegue' ca leta'a' chaqai ca llaalqaipi. Ỹim saanem ma'le na paguec loyac quena Egipto. Ca ỹa'gue' ná'maq paguec loyac nanecsec quenajo 'laua.

Génesis 46:32

Ne'xateta ana lalo qagreta chaqai ana huaca, ma' chi no'ueenataxac reloqota'a quen ana lalo qagreta chaqai ana huaca.

Génesis 47:11

Ca' so José ỹo'ueeto' na'laua, ỹaanemo' ná'maq paguec loyac quiyi 'laua Egipto, qaiyi naalec so'maxare, ipacqajanchigui dá'maq 'naaco' na'le so Faraón. Ca' so leta'a chaqai so lqaỹaripi 'ue na'laua quiyi 'laua Ramsés huaugui yi Gosén.

Génesis 47:3

Co'na'le, ca' so Faraón inate' saua lqaỹa' so José. 'Naaco': —¿Negue' cá'maq ỹaatqajam ro'ueenachiguio' quen? Ca saua'maxare 'neraco': —Qomi' ma' qomi' relaataxahi', dá'maq qaro'ueenataxanaxac 'neetasa': Qomi' neloxoỹa' cana qagreta, shinqatam yí'maq 'auaxaic qareta'allipi.

Génesis 47:4

Qomi' ñanaguinaxapegue' najo, sahoqotaque senqalec najo 'laua, ma' queda Canaán ỹaatqajam 'xoic da nqopaaxa, chaqai qaica na 'uaqapi loq ana qolo qagreta. ¿Chi'neco' ma' se qouaquiroxoric quiyim senqa'ñi quet yi 'laua Gosén?

Génesis 47:6

Ca' najo 'laua Egipto 'viiquiñi'sac, 'ỹaañitem ma'le yi 'laua Gosén yí'maq paguec loyac quenajo 'laua, qaiyi 'neralec yi'maxare. Chaqai no'm 'ue ca ỹa'den reloxoỹa'a ca 'aatet nelo, ca chaqaica reloxoỹa'a nqai'ñi' na ña'aateteripi.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 8:26

Ca' so Moisés 'naaco': —'E', se ỹa'maxañi quiyim shinqa'tegue dajo. Ma' ná'maq iseripi saanqot ñi qara'gaxala' qota'olec coqomi' 'ue da lichic, ma' quena Egipto laseripi lashiilec na'maxare. Ca no'm na Egipto laseripi iuanchigui quiyim savigaxataq ca 'óna quena iseripi nqouagaxaintacot na'maxare, caalata'm qaralauat, qarenaq quena qa'.