Génesis 46:2 - La'qaatqa ñi qota'olec Qota'olec & Qota'olec Novita Na Qomyipi

² Ca' queso pe ñi qota'olec retaxaỹa'pegue' so Israel, viichigui nqai'en so lelaxac, roỹaxana queda liỹa leenaxat Jacob. Ca so'maxare saat, 'naaco': —Aỹim seuete'e najo.

Génesis 46:2 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 20:3

Qam queso pe so Abimelec 'uo' so le'guemataxac quiyim qohinapego' quiñi qota'olec: Rillivi' ma'le, ma' ñí'maq 'aalo coñita 'ue loua.

Génesis 22:1

Ca co'na' 'vii saua ñaxari, ca' ñi qota'olec i'gueno' da lpi'ỹaxac so Abraham. Ca roỹaxano' da leenaxat, ca' so'maxare 'naaco': —Aỹim.

Génesis 22:11

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Génesis 31:11

Ca' quesojo i'guemataxac, ca' 'ue so qota'olec lelaatec roỹaxañiua' queda ỹeenaxat. Ca' ỹim sasaachiguit, shinac: Aỹim seuete'e najo.

Job 4:13

Ca na' pe na' ỹovitot da lelaxac na qom, ca' 'ue so i'guemataxac se i'taxategue ca ilaxac.

Zacarías 1:8

Ca' queso pe, ca' 'ue so iuanaxanaxac: Seuane'ta so ỹale neetalec so shipgaq letogaxaic, nachaatetañi queso ca'megue hueetaugui yi paxaguisat. Ca' queda qoshiita'gue, ca 'ue so liỹa shipiguiripi, 'vii naua letogaxaqa chaqai na toclqaigo' chaqai naua liỹa' lalagaxaqa.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.

Hechos 10:13

Ca' so Pedro 'xaỹaco' so na'qaatec, 'naaco': —Pedro, nachaachiriñi, vite ca lauachi' quena iseripi, ca' 'qui'.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 16:9

Ca' quiyi, ca' so Pablo 'uo' so leuanaxanaxac queso pe. Iuano' so ỹale na'ñi yi 'laua Macedonia, nachaatetañi, ne'xoresentac, 'naaco': “Na'itegue na Macedonia, qarotauañi'.”

Hechos 9:10

'Uo' so ỹale shi'gom ỹacoñiguit da na'qaatec neeta'ñi yi Damasco, leenaxat Ananías. Ca chaqaiso' só'maq so qara'gaxala' nachaxana queso leuanaxanaxac, ca 'naapego': —¡Ananías! Ca' so'maxare saato': —¿Negue' ca, qami' ỹa'gaxala'?

Hechos 9:4

Ca najño' so Saulo. Ca co'na' hueetañi quiyi 'laua, ca' 'xaỹaque so na'qaatec 'naaco': —Saulo, Saulo, ¿chi'negue ma' yocañi'sac?

Jueces 7:2

Ca' ñi qara'gaxala' 'naaco' queso Gedeón: —Ỹaatqajam 'xoico' na naviqui' qomyipi. Ca' no'm doxonaxan nqaishin na Israel llaalqaipi, ca ma'le, ca' 'neetapega quiyim chi nca'laxatalta'.

Jueces 7:9

Ca' queso pe, ca' ñi qara'gaxala' ỹilen so Gedeón quiyim ne'laxashiguim, ca eec, nalauate'e' so Madián llaalqaipi: —Ma' ỹim so'uet quiyim qadoxonqui' ma'le.

1 Samuel 3:10

Co'na'le, ca' ñi qara'gaxala' novita so'maxare, ca' hua'e, ca lotqai roỹaxana queda leenaxat, ipacqajanchigui dá'maq 'avichiguiñi loỹaxanaxac, 'naaco': —¡Samuel! ¡Samuel! Ca so'maxare 'naaco': —Taxahi', ma' najo relaachiqui' na'xaỹaxantapega qami'.

1 Samuel 3:4

Co'na'le, ca' ñi qara'gaxala' roỹaxanegue da leenaxat so'maxare, 'naaco': —¡Samuel! —¡Aỹim, najo seueta'ñi! —'naaco' so'maxare.