Génesis 46:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' saua llaalqa so Judá leenqate': Er, Onán, Sela, Fares chaqai so Zara. Er chaqai so Onán ileue'o' na'le quiyi Canaán. Ca' saua llaalqa so Fares leenqate': Hezrón chaqai so Hamul.

Génesis 46:12 Iomraidhean Croise

Génesis 29:35

Ca' aso Lea qaiyiita 'uo' so liỹa llaalec, ca ỹanco' leenaxat Judá, loqo'm imaqachin, ma' 'naaco': —Ca' nagui, ca' semaqachin ñi qara'gaxala'. Ca co'na' ime dajo, ca' tot co'o.

Génesis 38:10

Ca' ñi qara'gaxala' se nqo'ta qai'neeta dá'maq 'neetari' so Onán, ca' qai'neeta icona da nachaalataxac.

Génesis 38:4

Ime, ca lotqai liỹo' 'man, ca 'uo' so liỹa llaalec, ca ỹanco' leenaxat Onán.

Génesis 38:5

Ca lotqai liỹo' 'ue so llaalec, ca ỹanco' leenaxat Sela. So'maxare ne'qaaño' co'na' so Judá neeta'ño' yi Quezib.

Génesis 38:7

Qam ñi qara'gaxala' se nqo'to' dá'maq no'ueenataxac so Er, ca' icona da nachaalataxac.

Génesis 46:11

Ca' saua llaalqa so Leví leenqate': Gersón, Coat chaqai so Merari.

Génesis 46:13

Ca' saua llaalqa so Isacar leenqate': Tola, Fúa, Job chaqai so Simrón.

Hebreos 7:14

Ma' ỹaatqajam qaỹa'deenta quiyim so qara'gaxala' chigoxougui so Judá ni'ic, qam so Moisés qaica ca 'naac na'le quesojo ni'ic na' ỹa'xat da 'neeta na netaxaỹaxanqajanqaipi.

Apocalipsis 5:5

Ca na'le, ca' 'ue so 'óna queso qo'xoiquipi 'naapiguiỹa': —Totaxan queeta da noỹenaxaqui', ma' ñí'maq qaỹamata'gue sauaxaic leta'a chicqaugui so llaalqaipi so Judá, chaqai qai'neeta chigoxougui na lauo' so nashi David, ñi'maxare rauegaxan. Ca' ishit ỹauachigui ada lere chaqai quiyim naqate' saua siete netanaxanqate qaỹa'gaxanaxansañi.

Rut 4:12

Sashiilqatac ñi qara'gaxala' quiyim 'xoic nqai'en ca qachaalaxai'ipi cacajo 'aalo, qaiyi qami' ni'ic lodegaxat, 'nejem na'le so Fares só'maq llaalec aso Tamar chaqai so Judá.