Génesis 46:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

Génesis 46:1 Iomraidhean Croise

Génesis 12:8

Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 21:31

Ca' vichiguiño' yijo 'laua qoỹanco' Beerseba, loqo'm ni'ỹa 'maqatqa', ma' yi'maxare hua'ño' na' saua'maxare ỹaandec da la'qaategue' quiyim na'maxajta'.

Génesis 21:33

Ca' quiyi Beerseba so Abraham ỹanño' aso qo'paq leenaxat tamarisco, ca' nqouagaxaintac quiichigui nqai'en da leenaxat ñi qara'gaxala' ñí'maq qota'olec sqaica lqodoc.

Génesis 22:13

Ca co'na' na'ỹaashiguim so Abraham, ca iuane'to' so qagreta llaalec que'eensaho naua lasote caso qo'paq. Co'na'le, ca' eec iconlec so qagreta loua', ca' ỹaano quiyim lachitaxanataxanaxat, ñigui nqai'en so llaalec.

Génesis 28:10

Ca' so Jacob eec, chicqochi'ñi yi Beerseba, que'tegue so nayic taỹa'gue da Harán.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 31:53

Ca' chaqai ỹoiquena'pe qomi' ñí'maq qota'olec quesó'maq qapichi' Abraham chaqai so ỹapi' Nacor. Co'na'le, ca' so Jacob nallitalta' ỹaanot da la'qaatec ñi qota'olec queso leta'a Isaac, ñí'maq nqouagaxaintacot.

Génesis 33:20

Ime, ca' ỹo'uet aso lcopatoxonaxalate quiyim nqouagaxain, ca' ỹanegue leenaxat Ñi qota'olec chaqaiñi ñí'maq qota'olec caỹim Israel.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Génesis 4:4

Chaqai so Abel qai'neeta ỹodou'a ñi qara'gaxala' so 'auaxai chaqai paguec loyac quena llaalec so qagretaipi. Ca' ñi qara'gaxala' nqo'te'ta so Abel chaqai asó'maq ỹavigaxat lachitaxanataxanqate.

Génesis 45:28

Co'na'le, ca 'naaco': —¡Qaidaata quiyim sa'den ca ỹaalec José quiyim ñaqa 'ue nca'leetauec! Ca ỹim shic, shicpegue', qaiyi ñauane'e' tomaq saqa' yileu.

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Job 42:8

Ca' nagui, ca coñiu'alo caua siete toorol chaqai caua siete qagreta louaari, ca quiipegue' ñi ilaatec Job, ca 'ỹaañiuo quiyim qaỹavigaxat. Ca' ñi ilaatec Job nqouagaxainlgoto qamiri, ca' ỹim secoñiguit ma'le ca nqouagaxainaxac. Ca' sqaica ca shinegue caqamiri ma'le, ma' 'ue quet ca nouaxanaxashichii, ma' sqai 'xachii cá'maq lliqueta caỹim, sqai 'ñiita dá'maq 'ne'tegue ñi ilaatec Job.

Amós 7:9

Naua nqouagaxainqate' na llaalqaipi so Isaac qanopoxoỹaxajñi ma'le, chaqai naua no'ueenaxanaxaqui' quena llaalqaipi so Israel 'guiñi nqohin ma'le. ¡Ñanojshiguim ma'le ca llicat, ñalauate'e', ca ñomajñi ma'le na llaalqaipi ñi nashi Jeroboam!

Hechos 7:15

Ca' chaqaida da 'neeto' quiyim so Jacob taigue da Egipto, ca na'ñi. Ca hua'ñiyi co'na' ileu, chaqai qai'neeta só'maq 'auaxaic qareta'allipi ileua'anyi.

Josué 24:4

Ca' so Isaac sa'vii saua dos llaalqa, Jacob chaqai so Esaú. Ca' so Esaú saanem quiyim naalec yi 'laua 'xoic ana quemaralec qa' ladocai quiyi Seir. Ca' so Jacob chaqai so llaalqaipi taategue da Egipto.

1 Samuel 3:20

Chaqai sá'ogue so Israel llaalqaipi ỹa'den quiyim so Samuel ỹaatqajam llic letaxaỹaxaqui ñi qara'gaxala', chicqochi'ñi yi Dan queda rapiguim, chi ỹovireta'a yi Beerseba queda 'guiñi.

1 Samuel 8:2

Só'maq 'auaxaic llaalec leenaxato' Joel, chaqai so liỹa llaalec Abías, saua'maxare reloqosa'a yi Beerseba.