Génesis 45:23 - La'qaatqa ñi qota'olec Qota'olec & Qota'olec Novita Na Qomyipi

²³ Chaqai queso leta'a, ca ilate' saua diez 'ashiñi' no'qajlgoto quená'maq no'uen chicqa'ñi yi Egipto, chaqai saua liỹa' diez 'ashiñi' no'qajlgoto quena trigo, chaqai pan chaqai loq ỹauaaque nouene' so leta'a ma' ỹovita quiyim nanac.

Génesis 45:23 Iomraidhean Croise

Génesis 24:10

Ime, ca' nca'aaque lame quená'maq no'uen quená'maq louenec so na'co' Abraham. Ca' icona'alo saua diez nauaanaxanaxa late'e. Ca' eec, quepegue' yi na'a' na'ñi so Nacor, huaugui yi 'laua leenaxat Mesopotamia.

Génesis 43:11

Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

Génesis 45:22

Qai'neeta ỹa'vii saua loho dalaxaqa, qaiyi nadalaxat. Qam queso Benjamín, ca' ỹaanem aso trescientas lamo'lli' plata, chaqai saua cinco loho no'ueetaxaqui'.

Génesis 45:24

Co'na' so José ime npoyiguinto saua lqaỹa', ca 'naaco' quesaua'maxare: —'Neeto' nco'uaitecta' quena nayic. Ca saua'maxare que',

Éxodo 16:3

Ca 'naaco' quen so qomyipi: —¡Saxanchi' ñi qara'gaxala' ileue' nqai'ne' qomi' na'le quiyi Egipto! Na' senqata'ñi quen yí, ñqa'xanqata'ñi' quen aca qana'ueena no'qaachigui quena la'at, chaqai ỹaatqajam qarquema' quena' squi'ỹaq, qam qamiri naviguiu'galo qomi' najo 'laua qaica qom, ma' viitaque qomá'ogue qaralauat qarqopaaxa.