Génesis 45:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so José tot nalo'guit dá'maq 'neeta. Qam reloqotaho sá'ogue só'maq lelaatqaipi, ca' ỹaualaq, 'naaco': —¡Qamiá'ogue 'iu'oguiyi! Ca' qaico' ca hueeta'anyi co'na' so José nichoxota so lqaỹaripi.

Génesis 45:1 Iomraidhean Croise

Génesis 42:24

Ca' so José noỹootec quesaua'maxare, ca' noỹen. Co'na' rapila yí'maq hueesa'ñi saua'maxare, ca' ishit retaqa. Ca' ỹoỹootec so Simeón, ca ỹa'ajansac nqai'ne' na' relaataxanlec quiyim qaicoñirañi.

Génesis 44:34

Ma' ¿negue' quet cá'maq 'neeta quiyim sopil, sopila ca ita'a, no'm se iỹaatac dá'maq ne'nec? Se sa'maxaren quiyim seuantalec ca le'xoric ca ita'a.

2 Samuel 1:20

Totaxan 'xachiỹo' quena neeta'ñi yi Gat, chaqai sqai 'xachitac quiyim quiita'guelo naua nayico quiyi Ascalón, qaiyi se netoon na 'aallipi filisteaipi, qaiyi se nenojshiguim queda netoonaxac na 'aallipi quená'maq npa'guenaxauaripi ñi qota'olec.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Mateo 18:15

No'm ca rqaỹa'e' 'ue ca se ỹa'maxañi 'ne'tegue caqami', ca' taqaira'pegue', roda'ichichiguit, ca' 'deenaxanaxañitegue cá'maq ỹo'maqajantac. Ca no'm na'xaỹaxana qami', ca' raviguiqui' ca rqaỹa'e' quiyim rapil.

Hechos 10:41

Qam mesqai ná'ogue na qom nachaxana; qoqometa, ma' qomi' shi'gue lca'acse' ñí'maq qota'olec quiyim sa'xataq dá'maq qarauanaxanaxac, ma' qomi' qarqui'ỹaxaua chaqai qane'taxaua na' ime liỹa nca'leuec.

Hechos 7:13

Ca co'na' liỹa que', ca' so José nachaxanalo quiyim chi lqaỹa'. Ca quiyi so nashi quiyi Egipto ỹa'den ca qomyipi chicqaugui so José.

1 Corintios 13:5

Se ỹo'uet ca layiloxo ca liỹa, chaqai se imitetaque ca chi la'maxa. Chaqai se ro'o, chaqai sqai caapeguem ca qohine'tegue.