Génesis 44:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam so José 'naaco': —'E', qaidaata dá'maq hueeto'ot aso ñi'taxaqui no'ueenañi, ca ỹa'ac. Ca na liỹaripi, ca pil queca la'a' ca leta'a. Qaica cá'maq quepaxat.

Génesis 44:17 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Génesis 26:29

quiyim qami' sqo 'viichi' ca se no'uen coqomi', ma' qomi' sqaica ca shinaxague caqami', chaqai se yilaxasqatapega qami' na' ca'e nqaishinaq qami' yi qana'laua, chaqai nagui ñi qara'gaxala' 'ue da lqouagaxa caqami'.

Génesis 42:18

Ca na' ime' saua tres na'xata', ca 'naaco' quesaua'maxare: —Ỹim 'ue da iqolonaxa quiñi qota'olec. Ca vichiguiño' 'maxaraic quiyim 'viichii da ỹa'qaatec, qaiyi qai'xorene' qamiri:

Génesis 44:10

Ca' só'maq neloxoỹaq quiyi na'a' 'naaco': —Hua', ca chaqaida dá'maq 'ñiỹac qohine'tegue ma'le. Qam qaicaata cá'maq hueeto'ot aca 'taxaqui, ca' chaqaica ỹa'ac ma'le. Ca ná'maq liỹaripi, ca' qaica ca lasauaxaset.

Génesis 44:16

Ca' so Judá 'naaco': —¿Negue' queto' cá'maq shinqac caqami'? ¿Negue' queto' ca se'guenaxague? Ma' ñi qota'olec mashic ỹauajlec da qarasauaxaset. Ca' nagui ñañaanaq quiyim qomi' relaataxahi', qariỹaataho dá'maq hueeto'ot aso ne'taxagui'i'.

Génesis 44:18

Co'na'le, ca' so Judá nqo'not so José, ca 'naaco': —Ỹim ñi'xoresene'tot, qami' qara'gaxala', quiyim 'maxariñi' 'ue ca sa'xat caqami' ñimoote'tot. Qam qouaquiric, sqai 'o'iriua', ma' qami' chaqai 'ec 'ñiisari' ñí'maq Faraón.

2 Samuel 23:3

Ñi qota'olec quena llaalqaipi so Israel retaqa; ñí'maq quepaqataxanteguelec na llaalqaipi so Israel 'naapiguiỹa': Ca nashi quiyim reloxoi'a na liỹaripi, ca ỹaatqajam 'maxaraic ca la'deenataxanaxac, ca ỹale quiyim reloxoi'a na liỹaripi, qam ỹaatqajam no'cha'a ñi qota'olec,