Génesis 44:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so Judá 'naaco': —¿Negue' queto' cá'maq shinqac caqami'? ¿Negue' queto' ca se'guenaxague? Ma' ñi qota'olec mashic ỹauajlec da qarasauaxaset. Ca' nagui ñañaanaq quiyim qomi' relaataxahi', qariỹaataho dá'maq hueeto'ot aso ne'taxagui'i'.

Génesis 44:16 Iomraidhean Croise

Génesis 37:7

Se'guematetapega quiyim qomá'ogue seuqatalec yi no'ueenaxa, sahoqotaque ana qarcoñiita quena trigo. Ca' chi qaiuane'ta aso ỹaqata nachajñi ỹalamqachiguiñi. Qam saua rcoñitahi lapoorau'a aso icoñiita. Ime, ca' qanqouagaxainot.

Génesis 37:9

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Génesis 44:17

Qam so José 'naaco': —'E', qaidaata dá'maq hueeto'ot aso ñi'taxaqui no'ueenañi, ca ỹa'ac. Ca na liỹaripi, ca pil queca la'a' ca leta'a. Qaica cá'maq quepaxat.

Génesis 44:32

Ỹim shinac na'le queca qareta'a quiyim ỹim seloqota'a ñi ne'nec. Chaqai qai'neeta shinac: No'm se yapilaxat da'maxare quenajo, ca ỹasauaxaset nqai'ñi'. Qam cajo ỹasauaxaset sqaica ca lqodoc, chi ỹovireta'a ca lqodoc aca ỹaqauaxaqui.

Génesis 44:9

Ca no'uen quiyim qaỹalauat canchaqaica quenauajo relaataxahi' quecá'maq qaiuanalec hueeto'ot cajo 'taxaqui, vire'talo qomi' qai'neeta qomi' relaataxahi' ma'le.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Esdras 9:10

Qam nagui qami' qota'olec, ¿negue' queto' cá'maq shinqac quedá'ogue dá'maq so'ueetaq? Na' se sepacqajnaxaguilo naua nelaataxanaxaco,

Esdras 9:15

Qami' qara'gaxala', qami' qota'olec quena Israel, ỹaatqajam ỹa'maqachiguiñi dá'maq 'ñiteteguelo qomi', ma' ñaqa 'ue nqai'ñi' na ca'laaxaic ná'maq nagui qaiuanchigui. Ca' qomi' ỹaatqajam 'ue da qarasauaxaset caqami'. Vichiguiño' qomi' se ỹa'maxañi quiyim seloxoiqato'ot qami'.

Isaías 5:3

Qam nagui qamiri ma' ñiitalec na Jerusalén llaalqaipi so Judá, qamiri 'xachii negue' cá'maq lasauaxaset dajo yí'maq ỹanaxanqa' loqo'm aỹim.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Lucas 12:2

Ma' sqaica ca se re'xogui quiyim se qaỹa'den, chaqai qaica ca qoỹoqtetegueñi quiyim se re'oq nqohin.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?