Génesis 43:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so Judá 'naaco' na'le queso leta'a Israel: —No'm sahoqotaque qarca'leuec, ca' 'xañirec ñi qarqaỹooqui' quiyim ñauecqata'pegue'. Ca' ỹim seloqota'a ma'le, ca chaqa'ma' qolaq, qaiyi se qareleu, qami' chaqai qomi' chaqai naua qochaalqa.

Génesis 43:8 Iomraidhean Croise

Génesis 42:2

'Ue da ỹa'xaỹaxac quiyim 'ue na trigo queda Egipto. Mohi, 'iiquera, shiujnaxañiỹaque ca qonoq trigo, qaiyi se qaralauat na qarqopaaxa.

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 44:20

Ca qomi' shinqac quiyim 'ue ca qareta'a, qam mashic qo'xoỹom, chaqai 'ue ca qarqaỹa ñaqai noctoqui'. Ca'maxare ne'qaañi na' mashic qo'xoic ñi qareta'a. Chaqai qai'neeta shinqac ñi qareta'a ỹaatqajam lauochaxat, ma' qaiñiita no'ueeno'ot cá'ogue acá'maq late'e', ma' cá'maq liỹa lqaỹa ileu.

Génesis 44:26

Qam qomi' shinqac quiyim se seshitaq ñanaguinaq, no'm se qariỹaatac ñi qarqaỹa na'aasa. Ma' no'm sqai eec ñi'maxare, ca' se ñiuanaxa'e' qami'.

Génesis 45:19

'Ñirapegalo quiyim i'xate' caua nahoglena quena Egipto, ca ne'xate' caua loua', chaqai ca llaalqaipi, chaqai cá'maq qataa'i. Qai'neeta anac,

Génesis 50:21

Ca vichiguiño' totaxan ro'chii. Ỹim saanema qamiri ca qanoxohi chaqai naua qachaalaxahi. Ca' chaqaida 'ne'teco' na'le so José na' ỹo'daqaine', ma' ỹaatqajam ineequesente' saua'maxare.

Génesis 50:8

Só'maq chaqai llaalqaipi so Jacob, chaqai so lauo' so José, chaqai so lqaỹaripi eec. Qainaata no'ueenaxatañi na ñaaqaipioqui' chaqai na laloipi quiyi Gosén.

Salmos 118:17

¡Se yileu, ta'ta'a quiyim yca'leuec, qaiyi sa'xat dá'maq lo'ueenataxanaxac ñi qara'gaxala'!

Éxodo 20:12

Na'xaỹaxañita ca qataa'i' chaqai aca qachii'i', qaiyi ladoc aca rqauaxagui'i' quena 'laua ná'maq saanem qami' ỹim ra'gaxalachi' qota'olec.

Números 14:31

Qam na qachaalaxahipi quená'maq 'ñiỹac qamiri quiyim loxonec ca npa'guenaxauaripi, ca soviraqtau'a ma'le yi 'laua yí'maq sqai coñiguit, qaiyi na'maxare naalec ma'le.