Génesis 43:30 - La'qaatqa ñi qota'olec Qota'olec & Qota'olec Novita Na Qomyipi

³⁰ ca so José ỹaatqajam 'ue da 'neeta, ma' iuana so lanoq. Ca' se nalo'guit da noỹenaxac, ca inoxonaugui ca lauo', ca' noỹen.

Génesis 43:30 Iomraidhean Croise

Génesis 42:24

Ca' so José noỹootec quesaua'maxare, ca' noỹen. Co'na' rapila yí'maq hueesa'ñi saua'maxare, ca' ishit retaqa. Ca' ỹoỹootec so Simeón, ca ỹa'ajansac nqai'ne' na' relaataxanlec quiyim qaicoñirañi.

Génesis 45:2

Co'na'le, ca' noỹen, ỹaatqajam nelamaxaren. Ca sá'ogue so Egipto laseripi ỹa'den, chaqai vire'ta so Faraón 'ue da la'xaỹaxac.

Génesis 46:29

ca' so José relaataxanlec aso lahi' nahoglena, ma' ỹahotaque ca'guit so leta'a. Ca na' ỹovichiguit so leta'a, ca' nqa'aalliguit. Ca shi'gom noỹentac huaqatalec na lallaac.

1 Reyes 3:26

Qam asó'maq ỹaatqajam late'e so noctoqui' nca'leetauec ỹaatqajam 'xoic nqai'en da le'xoric, ca' ỹaatqajam ne'xoresene'tot so nashi, 'naaco': —¡Yi'xoriñi', sqa lauachi' da noctoqui' nca'leetauec, qami' ỹashi! ¡Ta'ta'a quiyim 'ỹaañitem ada 'aalo! Qam aso liỹa 'naaco': —'E', se qanañaañim chaqai se qoỹaanem qami'. ¡'Maxaraic quiyim qaichaxañigui na lavinñi!

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Hechos 20:19

Quesaua'que saua na'xata' quiyim salequetauguilo qamiri so'ueetetac da lo'ueenataxanaxac ñi qara'gaxala' Jesús, ỹaatqajam 'xoic da ñineequesenaxac, chaqai 'xoic da ñoỹenaxac, chaqai seuetañigui na 'xoic ñi'guenaxaquipi ỹoviraỹot quedá'maq ỹahotaque 'ñiichic na judioipi.

Hechos 20:31

Vichiguiño' ỹaatqajam rovichiỹari'o'; no'viñita'gue quecaua tres ñaxari, quiyi na'xa'a chaqai yi pe, qaica lqodoc quiyim sapaxaguinta'pe qamiri, saqatetapegalo qamiri, ñoỹentalec quiñi 'óna caqamiri.

Hechos 20:37

Sá'ogue noỹentagui, chaqai qa'aalegue so Pablo, chaqai nqo'goq.

Filipenses 1:8

Ma' ñi qota'a ỹa'den quiyim ỹaatqajam yqo'talo qamiri, sahote'e dá'maq sotaxaraic le'xorenataxanaxa so Jesucristo.

Filipenses 2:1

Ca no'm so Cristo ỹa'ñaxate' qamiri, chaqai da le'xorenataxanaxa lo'daxachiguilo naua qavilyi, chaqai so ne'Espíritu hueetauguilo qamiri, no'm 'yiiñii da no'daqainataxanaxac chaqai da nqouagaxa,

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

2 Timoteo 1:4

Quena' so'leente'te da noỹenaxaqui', ca sahotaque quen quiyim seuañiraxaua', qaiyi paguec no'qaachigui aỹim queca ñitoonaxac.

1 Juan 3:17

No'm 'ue ca 'óna coqomi' quiyim naloochiguiñi na louenqaipi queda nachaalataxac, ca iuane'ta ca lqaỹa ỹaatqajam 'ue da louenaxanaxa, qam se nqouaguegue ca'maxare, ¿negue' quet cá'maq 'neeta quet quiyim 'ue quet ca le'xorenataxanaxa quiñi qota'a hueetagui quet añi le'taxanata?