Génesis 43:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' so José liỹa ra'ỹauguilo, ca iuane'ta so Benjamín, cá'ogue ca leta'a' chaqai aca late'e'. Ca 'naaco': —¿Dajo dá'maq 'ñiitapega rqaỹahi na'aasa? ¡Ñi qota'olec no'ueenaxat ca qayicyaxaqui', qami' ỹaalcolec! Ca co'na' 'naac dajo,

Génesis 43:29 Iomraidhean Croise

Génesis 35:24

Ca' saua llaalqa caso Raquel, saua José chaqai so Benjamín.

Génesis 42:11

Qomá'ogue 'oonoqui' ca qareta'a chaqai se ña'majanqatac quedá'maq sa'xataq. Ca se ỹauanapega quiyim qomi' quet na'ajnaxanqajanqa.

Génesis 42:13

Qam saua'maxare 'neraco': —Qomi' relaataxahi', qomi' doce nqaỹaripi, 'oonoqui' ñi qareta'a. Ca senqata'ñi yi 'laua Canaán. Ca cá'maq qarqaỹa na'aasa no'ueena'ansop ñi qareta'a. Ca' ca liỹa, ca totqai neetauguilo qomi'.

Génesis 44:21

Ca na'le, ca' qarashiila'e' quiyim ñauegaq, ma' vi'saque huañita.

Génesis 45:8

Ca' chaqaiñi ñi qota'olec ñí'maq yila' quenajo, ca' mesqai qamiri. Ñi'maxare ñí'maq ỹo'uet quiyim aỹim lotaua ñi Faraón quiyim sa'xatem cá'maq 'neeta'gue, chaqai quiyim seloqota'a yá'ogue yi la'a', chaqai quiyim seloqota'a ná'ogue na 'laua Egipto.

Salmos 67:1

Qami' qota'olec, rqouaquiteguelo qomi' chaqai qaro'ueenaxachi'; qami' huagaxaraic quiyim qara'ajñisac,

Malaquías 1:9

Ca' qamiri shiilahi nagui ñi qota'olec quiyim nqouagoxoric. Qam no'm chaqaidaata 'neetari' nqai'ñii ca rachitaxanataxanaxachii, ca 'neeto' 'neetapigui qavillii quiyim ỹa'maqachigui lauel ñi qota'olec huaqui'chiguita qamiri. Ñi qara'gaxala' sqaica lqalanec 'neetasa' da la'qaatec:

Números 6:25

ñi qara'gaxala' ỹaatqajam ỹa'maxarenta qami' chaqai ỹaanem qami' da lqouagaxa;

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Marcos 10:24

Ca' saua lapaxaguinatqa ỹaatqajam 'ue da le'laqa' queda la'qaatec, qam so Jesús lotqai liỹo' 'naac quesaua'maxare: —Qamiri ỹaalqa, ¡ỹaatqajam 'ue da lqalaic quená'maq pe'eetapega da lesallaxa quiyim inoxona'a da lo'ueenataxanaxac ñi qota'olec ma' ỹoiquentac ná'ogue najo!

1 Timoteo 1:2

Qami' Timoteo, 'nejem quiyim qami' ỹaalec, ma' ỹim chigoqchiro'ot da rpi'ỹaxaqui'. Selata qami' ana ỹerecse, ma' yishiitaque quiyim coñichiguit ca qouagaxa, chaqai ca ne'xorenataxanaxa, chaqai da neuagaxa chicqo'ot ñi qota'olec chaqai so qara'gaxala' Cristo Jesús.

Hebreos 13:1

Quiñi 'óna sqai ỹaxanñi quiyim i'xoren ca liỹa 'neeta'gue ca ỹaatqajam lalamaxaret lqaỹa.