Génesis 43:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' so José inate'o' saua'maxare negue' cá'maq 'neesari', chaqai qai'neeta renataxan: —¿Negue' cá'maq 'neetari' ca qataa'i cá'maq qo'xoicolec 'xachitac? ¿Ñaqa 'ue?

Génesis 43:27 Iomraidhean Croise

Génesis 37:14

—Hua' —'naaco' so Israel—, mo'e', 'ajñi' negue' cá'maq 'neesari' caua rqaỹachi' chaqai ca 'neetari' ca qagretaipi. Ime, ca' rapilli', vite ca ỹa'xaỹaxac. Ca' so Israel ila' so José chicqochi'ñi so ca'megue quiyi 'laua Hebrón. Ca' so José co'na' ỹovita yi Siquem,

Génesis 41:16

Ca' so José 'naaco': —Qam mesqaỹim chicqochigui. Qam ñi qota'olec ỹaañiraxarom ca leloxoỹaxac, qam da'maxare chi ra'maxa'e'.

Génesis 42:11

Qomá'ogue 'oonoqui' ca qareta'a chaqai se ña'majanqatac quedá'maq sa'xataq. Ca se ỹauanapega quiyim qomi' quet na'ajnaxanqajanqa.

Génesis 42:13

Qam saua'maxare 'neraco': —Qomi' relaataxahi', qomi' doce nqaỹaripi, 'oonoqui' ñi qareta'a. Ca senqata'ñi yi 'laua Canaán. Ca cá'maq qarqaỹa na'aasa no'ueena'ansop ñi qareta'a. Ca' ca liỹa, ca totqai neetauguilo qomi'.

Génesis 43:7

Ca saua'maxare 'neraco': —Vinta'iquet ñi'maxare 'xoic da lenataxanaxac na'le coqomi' chaqai na qochaalqaipi. Chaqai qai'neeta 'naac: ¿Ñaqa 'ue ca qataa'i? ¿'Ue ca liỹa rqaỹahi? Ca' qomi' sa'xatqata dá'maq renataxanta'pegue. ¿Qa' sa'deenqata quet quiyim 'naapegoxoua': Naviguio' ma'le ca rqaỹahi?

Génesis 45:3

Ca so José 'naaco' quesaua lqaỹa': —Ỹim José. ¿Ñaqa 'ue nca'leetauec ca ita'a? Ca saua'maxare ỹaatqajam no'daxateterec só'maq reloqoso'ot. Ca saua'maxare i'maretem', qaica ca retaqa.

2 Reyes 4:26

Ni'guiñite' quira'guit, ca' nachi' negue' cá'maq 'neetari', chaqai negue' cá'maq 'neetari' ca loua chaqai ca llaalec. Ca' so nelaatec eec, ca aso'maxare 'naaco' quiyim ỹa'maqachiguiñi.

1 Samuel 17:22

Ca' so David po'aano'ot so li'ỹaac so neloxoỹaq quena na'ic chaqai na no'goxonaxat, ca' ne'guenta nalecqajnougui so nalauataxairipi, ma' ỹahotaque inate' saua lqaỹa' negue' cá'maq 'neesari'.