Génesis 43:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ime, ca sá'ogue ỹaueguec queca la'a' so José. Ỹa'ue ca huaxaỹaq, qaiyi quiỹo' naua lapiaate', chaqai ỹa'ue qai'neeta ca loq so 'ashinyipi.

Génesis 43:24 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 24:32

Co'na'le, ca' so nelaatec quepegue' yi na'a'. Ca' quiyi, ca' so Labán ỹosogoñi so neloipi. Ca' qui'ỹaxan. Ime, ca' ỹodouo so huaxaỹaq, qaiyi quiỹo' naua lapiaate' so nelaatec chaqai saua nauegaxaua'.

2 Samuel 11:8

Ime, ca' qohinapega pile'oga ca la'a', ca' quiỹo' naua lapiaate'. Ca co'na' ime inoxonec so Urías queso 'imec lodegaxat, ca' so nashi ilarec so no'uen na'ic lachitaxanataxanaxat.

Lucas 7:44

Ca' so Jesús ra'ỹo'ot aso 'aalo. Ime, ca' 'naapega so Simón, 'naaco': —¿Qami' peeta'a ra'iisa'a ñijo 'aalo? Cana' ñinoxonougui na qauochi', qam se nañaañi' ca huaxaỹaq lquiỹoqte' naua ichil. Qam añí'maq ñijo 'aalo quiỹo' naua ichil, quiỹoxonalo naua lachi', chaqai ỹashiviaqte', ỹahote'e na laue.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.