Génesis 43:21 - La'qaatqa ñi qota'olec Qota'olec & Qota'olec Novita Na Qomyipi

²¹ Qam na' sovitaxa yí'maq sham qala'xasqo', ca' sauataxañiguilo caua qochoxoqui', ca' hueetaguilo naua laapi' caua qochoxoqui' cá'maq chaqai lam quiñi 'óna, ca cá'maq qarishiuetenaxanqate cá'ogue naloochiguiñi. Ca' nagui ñodoq yapilaxataq.

Génesis 43:21 Iomraidhean Croise

Génesis 43:12

Chaqai ỹapacauec nqai'ñii aca 'xachii qadamii, chaqai pilaxachiuo ma'le aca qadamii rapiletec na'le, ma' sqoue chi qanelamaqtauec.

Génesis 43:15

Ca' saua llaalqa so Jacob iconalo saua lachitaxanataxanqate' chaqai ỹapaguec nqai'ne' aso i'xate' lame', chaqai so Benjamín. Ca' que', taategue da Egipto. Ca co'na' ỹovijta so José.

Génesis 43:20

Ca 'neraco': —Qami' qara'gaxala', 'ue da nqui'ic coqomi', na' 'au ñanaguinaq ỹaatqajam llic seshiujnaxanqaque na trigo.

Génesis 43:22

Chaqai paguec ana ñi'xataq qodam, ma' sahoqotaque seshiujnaxanqaque na trigo. Qam qomi' se sa'deenaq negue' cá'maq illañiguilo' na'le aca qodam caua qochoxoqui'.

Génesis 44:8

Ma' qomi' sachigoxosqota'gue da Canaán, yapilaxataq aca qodam seuanqajlec quena laapi' naua qochoxoqui'. Ca ¿chi'negue queta' socachaxa quet ca plata chaqai ca ne'óro quiyi la'a' ñi na'coochi'?

Romanos 12:17

Cá'maq se no'uen ca 'neeta'pegue caqamiri, sqo pilaxachilec ca se no'uen. Ta'ta'a quiyim 'viichii ca ỹa'maqachiguiñi quiyim cá'ogue qaỹa'yiinchigui.

Romanos 13:8

Sqaco' ra'uallii quená'ogue, ta'ta'a quiyim quiñi 'óna i'xoren ca liỹa; ma' cá'maq i'xoren ca liỹa, ca ỹomachigui da laqataxaquipi ñi qota'a.

Hebreos 13:18

Nqouagaxaiñitalgoto qomi', ma' qomi' qaica quet cá'maq huapigui qouel, ma' sahoqotaque quiyim ña'maxatqata quená'ogue.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.