Génesis 43:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Génesis 43:14 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Génesis 42:24

Ca' so José noỹootec quesaua'maxare, ca' noỹen. Co'na' rapila yí'maq hueesa'ñi saua'maxare, ca' ishit retaqa. Ca' ỹoỹootec so Simeón, ca ỹa'ajansac nqai'ne' na' relaataxanlec quiyim qaicoñirañi.

Génesis 42:36

Co'na'le, ca 'naaco' so Jacob quesaua'maxare: —Qamiri ỹaatqajma' tot qaica nqai'ñii ca ỹaalec. Ca José mashic tot ỹalequetauguilo qomi', ca Simeón qai'neeta. ¡Chaqai nagui viitaque huootaxañiỹa'gue ñi Benjamín! ¡Ca dá'ogue chaqaỹimeta taateguelec!

Génesis 43:13

¡Qamaxahi! Riỹahi ñi rqaỹahi na'aasa, ca' liỹa quiipegue' cajo ỹale.

Génesis 44:12

Ca só'maq nelaatec idaanaque caca lloxoqui quiñi 'óna, ỹa'auaxanta só'maq paguec ỹi, chi ỹovireta'a só'maq paguec na'aasa. Ca ỹanata aso 'taxaqui caso lloxoqui so Benjamín.

Esdras 7:27

Co'na'le, ca' so Esdras nqouagaxain, 'naaco': —Qaimaqachin qami' qara'gaxala', qami' qota'olec queso 'auaxaic qareta'allipi, ma' qami' 'viichi' quiyim ñi nashi imaqachin ñi qaro'ueenaxanaxaqui na'ñi yi Jerusalén.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Salmos 100:5

Ma' huagaxaraic ñi qara'gaxala'; se neme da le'xorenataxanaxa, chaqai qaica lqodoc quiyim ipaquichiguilo naua la'qaatqa.

Proverbios 1:1

Nauajo naua la'qaatqa so Salomón, llaalec so David, nashi quiyi Israel,

Isaías 49:13

¡Qami' piguim, raualqe' quena raỹaaqui'! ¡Qami' 'laua, no'xalec qami' queda netoonaxaqui'! ¡Qami' qa' ladocai, raualaxahi queda ra'maxahi! Ma' ñi qara'gaxala' lo'daxachigui lauel na lalamaxareteripi chaqai ỹovita quiyim nqouaguegue queda le'xoric.

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Juan 19:22

Qam so Pilato 'naaco' queso qomyipi: —Dá'maq shiriñi, ca' chaqaida 'neetari'.

Hechos 21:14

Qam na' se na'xaỹaxanalo qomi', ca saxanqac, ca shinqac: —Ipaquichigui nqohin cá'maq 'ne'tegue ñi qara'gaxala'.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

1 Timoteo 1:16

Qam qaiyiita ñi qota'a yi'xoren, qaiyi caỹim 'auaxaic ỹachaxan so Jesucristo quena qomyipi da leualaxavic lodegaxat. Ma' ỹahotaque quiyim aỹim laloqojnaxanaxat, qaiyi ca qom quiyim ma' huelec so Jesús, ca' ỹacoñiguit da nca'laxa sqaica lqodoc.

1 Timoteo 1:2

Qami' Timoteo, 'nejem quiyim qami' ỹaalec, ma' ỹim chigoqchiro'ot da rpi'ỹaxaqui'. Selata qami' ana ỹerecse, ma' yishiitaque quiyim coñichiguit ca qouagaxa, chaqai ca ne'xorenataxanaxa, chaqai da neuagaxa chicqo'ot ñi qota'olec chaqai so qara'gaxala' Cristo Jesús.

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

2 Juan 1:3

Ñi qota'olec chaqai so qara'gaxala' Jesucristo, llaalec ñi qota'a, ỹaanema ma'le qamiri da lqouagaxa chaqai le'xorenataxanaxa chaqai da neuagaxa. Ca coñiguit ma'le qamiri quiyim ỹaatqajam 'yiiñii da na'qaatec ỹaatqajam lliqueta chaqai quiyim ne'xoriñiỹata'.