Génesis 43:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Co'na'le, ca 'naaco' so leta'a Israel: —Hua', mashic qaica quet cá'maq lata'. Ca' yí, 'viichii dá'maq shinac: ỹoxoiguilo naua qachoxoquiri queca ramii quecajo ỹale. Dohi ma'le ná'maq paguec loyac la najo 'laua. 'Viichio' ca ri'ỹaaguii quena 'ec qo'paq louaq leenaxat bálsamo, chaqai na rapic li'i, chaqai coraxat lo'daxaraic lahita, chaqai na mirra chaqai ana qo'paq ala leenaxat nueces chaqai ana almendras.

Génesis 43:11 Iomraidhean Croise

Génesis 33:10

Qam so Jacob 'ue da lepagaxallic piltalec da la'qaatec, 'naaco': —'E', qouaquiric. No'm chaqaiyi quiyim yi'xoriñi', ca' 'maxaraic quiyim coñichiguit na ỹame. Ma' quiyim seuañiraxaua' shiiquiaxam seuana ñi qota'olec, ma' mashic quira'guit aỹim.

Génesis 37:25

Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Génesis 43:10

¡Quetaxan sqaico' dá'maq qara'pigui nagui, shi'gue quet ỹoxoguelo qomi', 'ue quet shi'gue dos sopilaxalec na'maxare!

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Génesis 43:15

Ca' saua llaalqa so Jacob iconalo saua lachitaxanataxanqate' chaqai ỹapaguec nqai'ne' aso i'xate' lame', chaqai so Benjamín. Ca' que', taategue da Egipto. Ca co'na' ỹovijta so José.

Génesis 43:25

Ca saua'maxare ỹa'maxatesañi so lachitaxanataxanaxate'. Ca nauaansa'guit so José quiyim ỹoviro queca na'xa'a lavinñi, ma' ỹa'deene'o' quiyim chaqaiyi lqui'ỹaaqate'.

Génesis 43:26

Ca co'na' so José ỹoviro quiyi la'a', ca saua'maxare ỹaane' so ne'xatete' lachitaxanataxanaxate'. Ime, ca ỹa'chi'iñi naua le'cootal, ỹoviraqta'guita naua lataapi' na 'laua.

1 Reyes 10:15

Qam se qanaloqojna'oga añí'maq qaishiuetentac quená'maq liỹa nemeenaxaquipi chaqai ná'ogue na nashillipi quiyi Arabia chaqai ná'maq reloqota'alo naua liỹa' 'lauari quiyi Israel.

1 Reyes 10:25

Chaqai quena' ỹovirec yi ñaaxa, ca ná'ogue nodouo na lame queso'maxare: 'ue na nodouo na lecat leenaxat plata chaqai na 'oro, napoxoqui, no'goxonaxat chaqai na lo'daxaraic lahita, shipiguiripi chaqai na que'lahipi.

1 Reyes 4:21

Ca' so Salomón ỹaatqajam 'xoic da lecaic quiyim nashi. Ca ỹomata'ta' quiyim reloxoỹa'a yi neeto'ot aso lachiugue Eufrates yí'maq pa'a'gue da lqodoigue, ỹovira'ta'a yi la'a' na filisteoipi pa'a'gue da lauashiguim, chaqai ỹovira'ta'a na lqodoc yi Egipto pa'a'gue da 'guiñi. Ca sá'ogue so'maxare ishiuetentac so Salomón, ma' qoyiueto'ot da lo'ueenataxanaxac na' ñaq nca'leetauec so'maxare.

2 Reyes 20:12

Ca' quesauajo ñaxari, ca' so nashi Merodac-Baladán, llaalec so Baladán, só'maq lashi na Babilonia laseripi, so'maxare 'uo' da la'xaỹaxac quiyim so Ezequías ralolaxaic. Ca ỹa'ue so ila' qomyipi, ilata aso lere, chaqai ỹo'uet aso lachitaxanataxanqate.

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Cantares 4:10

¡Chalego lo'daxa da neneequesenaxaqui', qami' ñapiitaxauo'lli'! ¡Da neneequesenaxaqui' paguec lo'daxa quena lataxa; chalego lo'daxa lahita na nocoraxachi' quená'ogue na liỹa lo'daxaraic lahita!

Cantares 4:14

ana nardo chaqai azafrán, chaqai ana noqola late'e lo'daxaraic lahita chaqai ana canela, chaqai ná'ogue ana liỹa qo'paq nichiinaxanqate, mirra, áloes; ¡chaqai ná'ogue ná'maq liỹa lo'daxaraic lahita!

Jeremías 8:22

¿Qaico' ca lata' dajo quiyi Galaad? ¿Qaico' ca ratarenataxan quiyi'maxare? ¿Chi'neco' ma' se imeuec na iuo' laseripi? (9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)

Hechos 21:14

Qam na' se na'xaỹaxanalo qomi', ca saxanqac, ca shinqac: —Ipaquichigui nqohin cá'maq 'ne'tegue ñi qara'gaxala'.

1 Samuel 25:27

Ca' nagui ñi'xoresene'tot qami' quiyim najo ỹame ñodouec, ca neuagaxachigui nqai'ñi' na relaataxai'ipi riỹa'isac,

1 Samuel 9:7

—Hua', qolaq —'naaco' so Saúl—. Qam ¿nega'ỹo' ca qarame ma'le quecajo ỹale? Ma' mashic tot qaica ca pan quenaua qochoxoqui'. Ỹaatqajam qaica quet cá'maq qarame quecajo ỹale ra'qaataxanac.