Génesis 42:9 - La'qaatqa ñi qota'olec Qota'olec & Qota'olec Novita Na Qomyipi

⁹ Co'na'le, ca' so José no'uenco' so le'guemataxac taỹauguilo saua'maxare. Ca 'naaco': —Qamiri chaqaiqamiri na'ajnaxanqajanqa, ca chi na'ajnaxañiỹa najo 'laua negue' cá'maq paguec hua'ñi quiyim qaica ca lquesaxanaxa.

Génesis 42:9 Iomraidhean Croise

Génesis 37:11

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Génesis 42:16

Ca 'óna cá'maq eec caqamiri i'guena'a ca'maxare. Ca' na liỹaripi, ca' qaicoñi', qaiyi sa'deenaq quiyim ỹaatqajam llic dá'maq ra'qaachiguii. Ca no'm sqai llic, ca' qamiri na'ajnaxanqajanqa. ¡Ca' ñi Faraón ỹo'uet ca nouaxanaxashichii!

Génesis 42:34

Qam naviguii ma'le ca rqaỹahi paguec noctoqui', qaiyi ỹaatqajam sa'deenta quiyim qaica ca naỹii'a, sqai qamiri na'ajnaxanqajanqa. Qaiyi sosouec ma'le ñi rqaỹahi, chaqai qamiri qaica ca rovichiỹaque ma'le quiyim huoxoñitac najo 'laua.

Éxodo 32:35

Ca' ñi qara'gaxala' ỹa'ue so nelata ne'ne' so qomyipi sauaxat nqouagaxainot só'maq huaqui llaalec só'maq lo'ueenatec so Aarón.

Números 13:2

—Vite caua relaataxahi' ỹale' quiyim ra'ajnaxanta yi 'laua Canaán yí'maq saanem ma'le na Israel llaalqaipi quiyim la'a'. Vite ca coñira'a 'oonoqui' quena ne'qaipi quesaua doce llaalqa so Israel, ca' lachi' cá'maq ỹaatqajam na'gaxala'.

Lucas 20:20

Ca ỹa'vio' saua nelarerec quiyim na'ajnaxande'oga so'maxare chaqai 'ec 'maxaraic ỹalliripi, quiyim qaỹahotaque 'ue ca ỹa'xat se ỹa'maxañi, ca qaỹachigoxochichigui ca lasauaxaset, ca qaỹodou'a so nashi Roma le'ec.

Hebreos 11:31

Qai'neeta 'uo' da lpi'ỹaxac aso Rahab só'maq nanatqa lo'o', ca' se ileu, sqai queeta'ñi' só'maq se na'xaỹaxan. Ma' aso'maxare ỹaatqajam quelolalo' na'le saua la'ajnaxanqajanqa so llaalqaipi so Israel.

Josué 2:1

Quiyi Sitim, ca' so Josué ỹa'vii saua ilate' nemootaxanterec dos ỹale', ca 'naapegalo': —'Ajnaxañiỹa yi 'laua yí'maq neetalec yi na'a' lodegaxat Jericó. Ca saua'maxare que', ca ỹovirera'o' yi la'a' aca 'aalo nanatqa lo'o' quiyi Jericó, leenaxat Rahab. Ca huera'ño' lelaxasqote' queca pe.

Josué 6:23

Ca saua'maxare quera'a, ca' naueguerec aso Rahab, chaqai so leta'a, aso late'e, so lqaỹaripi, chaqai sá'ogue so lauo' laseripi. Ca' qaỹa'ue ca qoỹana'ñi qaỹa'maxachichiguiñi ỹoqota'oga nqohin queso lanatqa' so Israel llaalqaipi.