Génesis 42:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 42:6 Iomraidhean Croise

Génesis 18:2

Ca co'na' so Abraham nedaanashiguim, ca' saua tres ỹale' reloqoso'ot so'maxare. Ca co'na' iuane'talo, ca ne'laxatashiguim quelola'pegueto, ca nqai'guiñi ỹoviraqta'guit na latap na 'laua.

Génesis 19:1

Ca co'na' mashic sham napalñi, ca' saua dos nelaatqa piguim lase' ỹovirero quiyi Sodoma. Ca' so Lot nqa'xantañi quiñi lasom yi na'a' yí'maq hua'ñi lapooqo' na qomyipi. Ca co'na' idaana'guita, ca ne'laxashiguim, ca'guita. Ca' nqai'guiñi, ỹoviraqta'guit na latap na 'laua.

Génesis 33:3

Ime, ca' so Jacob 'auetauec quesaua'maxare. Ime, ca ỹa'chi'iñi naua le'cootal, ni'iiñi siete ỹoviraqta'guit na latap na 'laua nqai'en, chi ỹovireta'a na' tot qoỹoxoguit so lopiichi.

Génesis 41:43

Ca co'na' ime, ca' renojñigui nqai'en aso nahoglena, chaqai'eno' quen coỹaretaho casó'maq chi lahi'. Ca' relaataxan quiyim 'ue na 'aueta ỹaualqatagui 'naacsa': ¡Ñaqai huachigue ca ñic! Ca' chaqaido' da 'neeta na'le na' so José qoỹanagui quiyim idaanlec yá'ogue yi 'laua Egipto.

Génesis 41:54

Ime, ca eec queuguilo saua siete ñaxari ỹaatqajam 'xoic da nouenaxanaxa. Ca ipaquichigui dá'maq 'naaco' na'le so José. Ca 'xoic na nqopaaxa quenaua'que naua lahil yi 'laua, qaiyiita yi Egipto 'ue na na'ic.

Génesis 41:57

Ca' na qom chicqote'ogalo quenaua na'aate' quiyi Egipto, rishiujnaxantaque na trigo queso José, ma' quená'ogue na 'laua qaica ca na'ic.

Génesis 44:14

Ca co'na' so Judá chaqai saua lqaỹa' ỹovirera'a yi la'a' so José, ca so'maxare ñaqai neeta'anyi. Ca ỹa'chi'iñi naua le'cootal, ỹoviraqtera'guit naua lataapi' na 'laua.

Génesis 45:26

Ca co'na' qara'qaataxana so Jacob quiyim so llaalec José ñaqa 'ue nca'leetauec, chaqai chaqaiso só'maq reloqota'a yá'ogue yi 'laua Egipto, ca tot ỹa'den ca 'neeta chaqai qaica ca 'naac, ma' sqai huelec dá'maq qaỹa'xatetac.

Génesis 45:8

Ca' chaqaiñi ñi qota'olec ñí'maq yila' quenajo, ca' mesqai qamiri. Ñi'maxare ñí'maq ỹo'uet quiyim aỹim lotaua ñi Faraón quiyim sa'xatem cá'maq 'neeta'gue, chaqai quiyim seloqota'a yá'ogue yi la'a', chaqai quiyim seloqota'a ná'ogue na 'laua Egipto.

Génesis 48:12

Ca' so José naqata'alo saua ñaaqolqai' quenaua loteletari so leta'a. Ca' ỹa'dooto naua le'cootal, ỹoviraqta'guit na latap na 'laua.

Isaías 60:14

Na llaalqaipi ná'maq 'xoic lqa'viic caqami' nacpegue' qami', ca' neneequesenta, ná'ogue ná'maq se nqo'ta qami', nacpegue' qami', ca' ỹa'chi'iñi naua le'cootal queca loqoisa'ñi, chaqai ỹamata'gue qami' Sión, la'a' ñí'maq co'teeta qara'gaxala' qota'olec quena Israel.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

1 Samuel 20:41

Ca co'na' mashic ỹoxogue so nelaatec, ca' so David nenoxonec, chicqo'tegue da lahi so lapootañi qaripi. Ca' tres ỹa'chi'iñi naua le'cootal ỹoviraqta'guit na latap na 'laua queso Jonatán. Ime, ca' nqo'goxata' chaqai noỹenta'ta', chi ỹovire'ta quiyim nimishiguim da 'neeta so David.