Génesis 42:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 42:38 Iomraidhean Croise

Génesis 37:33

Ca co'na' no'uenegue so Jacob, ca 'naaco': —¡Ajá'a, chaqana na lachiimec ca ỹaalec! 'Uo' ca isecỹac toxonaxai ito' ca ỹaalec, ca ỹa'ic.

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

Génesis 37:35

Ca sá'ogue so llaalqaipi chaqai so llaallipi ỹahotaque quiyim lo'yigui lauel so'maxare. Qam so'maxare se ỹa'maxaren qaicochaq. Lama'xa noỹenteguelec da na'laxac so llaalec. Ca 'naaco' da la'qaatec: —Ỹim se seshit ñaqate' naua ỹoho ỹasouaxaqui', chi ỹovireto'o' quiyim llapoo'guit queca loma' na lqui'i na leuaxaiquipi.

Génesis 42:13

Qam saua'maxare 'neraco': —Qomi' relaataxahi', qomi' doce nqaỹaripi, 'oonoqui' ñi qareta'a. Ca senqata'ñi yi 'laua Canaán. Ca cá'maq qarqaỹa na'aasa no'ueena'ansop ñi qareta'a. Ca' ca liỹa, ca totqai neetauguilo qomi'.

Génesis 42:37

Co'na'le, ca' so Rubén 'naaco' queso leta'a: —'Xañirec ñi Benjamín quiyim seloqota'a ñauequeta'pegue', ca' ỹim yapilaxat ma'le. Ca no'm se yapilaxat, ca' qami' lauachi'o' saua dos ỹaalqa.

Génesis 42:4

Qam so Jacob nollaañi sqai eec nqai'en so Benjamín, lqaỹa so José, ma' 'naaco': Sqoue ca lo'maxaset.

Génesis 43:13

¡Qamaxahi! Riỹahi ñi rqaỹahi na'aasa, ca' liỹa quiipegue' cajo ỹale.

Génesis 44:20

Ca qomi' shinqac quiyim 'ue ca qareta'a, qam mashic qo'xoỹom, chaqai 'ue ca qarqaỹa ñaqai noctoqui'. Ca'maxare ne'qaañi na' mashic qo'xoic ñi qareta'a. Chaqai qai'neeta shinqac ñi qareta'a ỹaatqajam lauochaxat, ma' qaiñiita no'ueeno'ot cá'ogue acá'maq late'e', ma' cá'maq liỹa lqaỹa ileu.

Génesis 44:22

Ca qomi' shinqac na'le quiyim ñi ne'nec se ishit ca'e ñi leta'a, ma' no'm ca'e, ca' ileu ñí'maq leta'a.

1 Reyes 2:6

Ca' qami' ỹaatqajam na'deenaxanqachiñi' ma'le, ca sqai 'xañi'sac quiyim chi ileu.

Salmos 71:18

Qami' qota'olec caỹim, totaxan yalachi'o', 'eno'm ma' mashic ỹim qo'xoỹom chaqai 'xoic aca ỹalagaxai, ma' sahotaque sa'xatetac dá'maq chalego lecaic rquesaxanaxa'e', sa'xatetapeguem najo qomyipi chaqai ca ñaqai naata.

Salmos 90:10

Setenta ñaxari yí'maq laloqo' da qanachaalataxac; ca ná'maq paguec quesaxanaxaic, ca ỹovite' yaua ochenta; qam dá'maq maqajnaxac quiyim qaỹovireta'a ca nqo'xo, ca chi ỹo'uet da neualaxavic chaqai da nedaxac. ¡Naua ñaxari chita'gue, ca ỹovirerec, ca 'nejme' qomi', chita'gue, ca' qareme!

Eclesiastés 1:14

Ca' yitan quiyim ná'ogue ná'maq qaỹo'ueetetac quena 'laua, qaica quet cá'maq 'negue, 'ec qaỹahotaque neconecsec na nonot.

Eclesiastés 2:26

Llic quiyim ñi qota'olec ỹa'ue da na'deenaxanaxa chaqai da toonaxac quecá'maq nqo'ta ñi'maxare; qam cá'maq 'ue ca lasauaxaset, ca' iỹoxolec quiyim nqo'neuec chaqai lapoonñi na lesallaxa, ime, ca' ỹaanem cá'maq nqo'ta. ¡Qam qai'neeta dajo qaica ca 'negue chaqai 'ec qaỹahotaque neconecsec na nonot!