Génesis 42:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Co'na'le, ca' so Rubén 'naaco' queso leta'a: —'Xañirec ñi Benjamín quiyim seloqota'a ñauequeta'pegue', ca' ỹim yapilaxat ma'le. Ca no'm se yapilaxat, ca' qami' lauachi'o' saua dos ỹaalqa.

Génesis 42:37 Iomraidhean Croise

Génesis 42:36

Co'na'le, ca 'naaco' so Jacob quesaua'maxare: —Qamiri ỹaatqajma' tot qaica nqai'ñii ca ỹaalec. Ca José mashic tot ỹalequetauguilo qomi', ca Simeón qai'neeta. ¡Chaqai nagui viitaque huootaxañiỹa'gue ñi Benjamín! ¡Ca dá'ogue chaqaỹimeta taateguelec!

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 43:9

Ỹim seshiueten da nachaalataxac ñi'maxare. Ca no'm 'ue ca 'neeta, qam taalec aỹim. No'm se yapilaxat ma'le quenajo 'laua, ca' ỹim imailec ma'le quiyim ỹasauaxaset qaica lqodoc, chi ỹovireta'a quiyim yileu.

Génesis 46:9

Ca' saua llaalqa so Rubén leenqate': Hanoc, Falú, Hezrón chaqai so Carmi.

Miqueas 6:7

¿Peeta'a netoon ñi qara'gaxala' no'm saanto'ot ca mil qagreta loua', loqo'm ca diez mil lachiugue quena aceite? ¿Loqo'm quiyim saanot cá'maq ỹi ỹaalec, laseue' na ỹasauaxaset chaqai quiyim se ña'xaỹaxan?