Génesis 42:21 - La'qaatqa ñi qota'olec Qota'olec & Qota'olec Novita Na Qomyipi

²¹ qam quena'le, ca' chi retaqatecta', 'neraco' quen: —Ỹaatqajam llic se no'uen dá'maq shinqa'tegue na'le ca qarqaỹa José, ma' se ña'xaỹaxanaxa quena' ne'xoresentouguilo qomi' quiyim se'xorenaq. Vichiguiño' ỹoviro'oto qomi' nagui da qare'xoric.

Génesis 42:21 Iomraidhean Croise

Génesis 41:9

Co'na'le, ca 'naaco' so lashi na 'taxaqui lo'ollipi queso Faraón: —Nagui, ca ño'uene'tegue quiyim se no'uen dá'maq shintari'o'.

Génesis 44:16

Ca' so Judá 'naaco': —¿Negue' queto' cá'maq shinqac caqami'? ¿Negue' queto' ca se'guenaxague? Ma' ñi qota'olec mashic ỹauajlec da qarasauaxaset. Ca' nagui ñañaanaq quiyim qomi' relaataxahi', qariỹaataho dá'maq hueeto'ot aso ne'taxagui'i'.

Génesis 45:3

Ca so José 'naaco' quesaua lqaỹa': —Ỹim José. ¿Ñaqa 'ue nca'leetauec ca ita'a? Ca saua'maxare ỹaatqajam no'daxateterec só'maq reloqoso'ot. Ca saua'maxare i'maretem', qaica ca retaqa.

Génesis 50:15

Ca co'na' mashic ileu so Jacob, ca' saua lqaỹa' so José 'ñiichiriquio' lauele': Sqoue ro'ỹalo qomi' nagui ñi José. Ca' ỹa'ue lovi' quedá'maq se no'uen shinqa'tegue na'le.

2 Samuel 12:13

Ca' so David 'naaco' queso Natán: —Ỹim ỹaatqajam 'ue da ỹasauaxaset hueeto'ot ñi qara'gaxala'. Ca' so Natán 'naaco' queso'maxare: —Ñi qara'gaxala' se ỹo'uet ca nouaxanaxashichi' quedajo rasauaxashichi' chaqai se rillivi'.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Jeremías 4:18

Da no'ueenataxaqui' chaqai da ro'ueenataxanaxaqui' chaqaida chicqochigui dá'maq 'neeta nagui caqami'; dá'maq se no'uen 'viichi'sac, ỹo'uet dá'maq 'ec chim laỹaxac caqami', ca ỹouaxañigui añi re'taxanata'e'.

Oseas 5:15

Ca ma'le, ca' yapila na ỹoma', chi ỹovireto'o' ma' yi'maxare no'uenegue da lasauaxaset, ca' nanac idaanaque aỹim. ¡Ma' ỹovira'a da le'xoric, ca' idaanaque aỹim!

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Marcos 9:48

yí'maq hua'ñi na ñilo' se ileu chaqai ca norec sqai 'om.

Lucas 16:28

yi'maxare neesa'ñi caua cinco ỹaqaỹa', qaiyi ra'qaataxanema, qaiyi caua'maxare sqa nara'a qai'neeta najo ne'xoyaqa'.”

Hechos 19:18

Qai'neeta 'xoico' só'maq mashic icoñiguit da na'qaatec noviro, ỹa'xat dá'maq se no'uen 'au ỹo'ueetetac.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.