Génesis 42:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' nagui, ca' se'guenaxe' qamiri quedajo, se'taxajñi da ỹa'qaatec chaqai yotauan ñi Faraón ma'le, quiyim sqo quii quenajo no'm se novi' ca rqaỹahi na'aasa.

Génesis 42:15 Iomraidhean Croise

Génesis 42:12

Ca' so José 'naaco': —¡'E', sqai llic! Qamiri ra'iitaque cá'maq hua'ñi ca qaica ca la'ñaxac quenajo 'laua.

Génesis 42:14

Qam so José 'naaco' liỹa: —¡Ca cha'regue ipaquichigui dá'maq shinac quiyim chaqaiqamiri na'ajnaxanqajanqa!

Génesis 42:16

Ca 'óna cá'maq eec caqamiri i'guena'a ca'maxare. Ca' na liỹaripi, ca' qaicoñi', qaiyi sa'deenaq quiyim ỹaatqajam llic dá'maq ra'qaachiguii. Ca no'm sqai llic, ca' qamiri na'ajnaxanqajanqa. ¡Ca' ñi Faraón ỹo'uet ca nouaxanaxashichii!

Génesis 42:20

Ma'le, ca naviguii ca rqaỹahi na'aasa. Ca' sa'ajnaq quiyim tegue' chaqai llic dá'maq 'ñiỹac. No'me', ca rillivii. Ca saua'maxare saate',

Génesis 42:30

—Ñí'maq ỹale nashi quiyi 'laua, na' retaqa, ca se ỹa'maxata'guelo qomi' chaqai 'naac quiyim qomi' qolaxapegue' yijo 'laua, qam chaqaiqomi' na'ajnaxanqajanqa.

Génesis 42:34

Qam naviguii ma'le ca rqaỹahi paguec noctoqui', qaiyi ỹaatqajam sa'deenta quiyim qaica ca naỹii'a, sqai qamiri na'ajnaxanqajanqa. Qaiyi sosouec ma'le ñi rqaỹahi, chaqai qamiri qaica ca rovichiỹaque ma'le quiyim huoxoñitac najo 'laua.

Génesis 42:7

Ca' so José co'na' chi iuane'talo saua lqaỹa', chaqa'ma' no'ueneguelo. Qam 'eco' se no'ueneguelo. Ca' inate'o', qam se ichira'guelo naua la'qaatqa, 'naaco': —Qamiri ¿negue' ca chigoxoỹa'gue? Ca saua'maxare 'neraco': —Sachigoxosqa'a yi 'laua Canaán, seshiujnaxanqataque na trigo.

Génesis 43:3

Qam so Judá 'naaco': —Ñi ỹale na' seuqata'quera ỹaatqajam ỹaatqate'uegue da la'qaatec coqomi', 'naac: No'm se naviguii ca rqaỹahi na'aasa, ca 'maxaraic quiyim se noviriua'.

Génesis 43:5

Qam no'm sqai 'xañirec quiyim ñauecqata'pegue', ca sqai qolaq. Ma' cajo ỹale 'naac na'le coqomi': No'm se riỹahitac ca rqaỹahi na'aasa, ca' se novirii liỹa quena senta'ñi.

Deuteronomio 6:13

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

Santiago 5:12

Qam quená'ogue najo, qamiri ỹaqaỹa', 'neeto' quiyim 'ue ca ỹaanec da la'qaatec quiyim chicqo'ot na piguim ca nouaxanaxaset, loqo'm quena 'laua, loqo'm quecanchaqaica liỹa, quiyim 'ue ca ỹa'xat. Ta'ta'a quiyim saachii ca 'oonoqui' ca rasaataxaguii. No'm 'ñiỹac “Ajá'a”, ca' chaqaida nqai'ñii. Chaqai no'm 'ñiỹac “'E'”, ca' chaqaida nqai'ñii, qaiyi se ỹo'uet ca rasauaxashichii ñi qota'a.

1 Samuel 1:26

Ca' aso Ana 'naaco' queso'maxare: —Chi yi'xoriñisaco' qami' ỹa'gaxala', ma' ỹaatqajam rca'lli'sauec nagui, ma' chaqaỹim ná'maq seuete'e najo na'le, ñqouagaxaintacot ñi qara'gaxala' qota'olec, ca' qami' leseeque'ta na'le.

1 Samuel 17:55

Ca co'na'le, ca' so Saúl inato' so Abner só'maq lashi so nalliripi co'na' iuante'uegue so David na' quiguit so filisteo. Ca 'naaco': —Abner, ¿negue' ca leenaxat ca leta'a so ne'nec?

1 Samuel 20:3

Qam so David lotqai liỹa pilalec da la'qaatec, 'naaco': —Ñi qataa'i' ỹaatqajam ỹa'deenta quiyim ỹim rqo'itaxachi', ca' peeta'a se ỹa'deenaxanaxanegue dajo qami', ma' sqoue quiyim sqa 'maxariñi'. Qam saanem qami' da ỹa'qaatec, 'qaachigui ñi qara'gaxala', quiyim sqaỹaloq yime.