Génesis 42:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qam saua'maxare 'neraco': —Qomi' relaataxahi', qomi' doce nqaỹaripi, 'oonoqui' ñi qareta'a. Ca senqata'ñi yi 'laua Canaán. Ca cá'maq qarqaỹa na'aasa no'ueena'ansop ñi qareta'a. Ca' ca liỹa, ca totqai neetauguilo qomi'.

Génesis 42:13 Iomraidhean Croise

Génesis 37:30

Ime, ca' quepegue' yi neesa'ñi saua lqaỹa', ca 'naaco' quesaua'maxare: —¡Ca ne'nec totqai hua'ñigui añi ni'ỹa! Ca' nagui, ca ¿nega'ỹo' ca shinta'gue?

Génesis 42:11

Qomá'ogue 'oonoqui' ca qareta'a chaqai se ña'majanqatac quedá'maq sa'xataq. Ca se ỹauanapega quiyim qomi' quet na'ajnaxanqajanqa.

Génesis 42:12

Ca' so José 'naaco': —¡'E', sqai llic! Qamiri ra'iitaque cá'maq hua'ñi ca qaica ca la'ñaxac quenajo 'laua.

Génesis 42:14

Qam so José 'naaco' liỹa: —¡Ca cha'regue ipaquichigui dá'maq shinac quiyim chaqaiqamiri na'ajnaxanqajanqa!

Génesis 42:32

Chaqai quiyim qomi' doce nqaỹa', cá'ogue ca qareta'a, qam ca 'óna totqai ỹalequetauguilo qomi', chaqai cá'maq na'aasa no'ueena'ansop qami' quena Canaán.

Génesis 42:36

Co'na'le, ca 'naaco' so Jacob quesaua'maxare: —Qamiri ỹaatqajma' tot qaica nqai'ñii ca ỹaalec. Ca José mashic tot ỹalequetauguilo qomi', ca Simeón qai'neeta. ¡Chaqai nagui viitaque huootaxañiỹa'gue ñi Benjamín! ¡Ca dá'ogue chaqaỹimeta taateguelec!

Génesis 42:38

Qam so Jacob 'naaco': —Ñi ỹaalec sqai queguelo nqaishine' qamiri. Ma' so lqaỹa José tot qaica, ca ñi'maxare qaiñiita no'ueenañi. Ca no'm 'ue ca lo'maxaset quecá'maq 'iỹa'gue nagui, ca' qamiri rasauaxashichii ma'le najo qo'xoicolec quiyim ileu, ỹalauat ca lachicoxo.

Génesis 43:29

Ca' so José liỹa ra'ỹauguilo, ca iuane'ta so Benjamín, cá'ogue ca leta'a' chaqai aca late'e'. Ca 'naaco': —¿Dajo dá'maq 'ñiitapega rqaỹahi na'aasa? ¡Ñi qota'olec no'ueenaxat ca qayicyaxaqui', qami' ỹaalcolec! Ca co'na' 'naac dajo,

Génesis 43:7

Ca saua'maxare 'neraco': —Vinta'iquet ñi'maxare 'xoic da lenataxanaxac na'le coqomi' chaqai na qochaalqaipi. Chaqai qai'neeta 'naac: ¿Ñaqa 'ue ca qataa'i? ¿'Ue ca liỹa rqaỹahi? Ca' qomi' sa'xatqata dá'maq renataxanta'pegue. ¿Qa' sa'deenqata quet quiyim 'naapegoxoua': Naviguio' ma'le ca rqaỹahi?

Génesis 44:20

Ca qomi' shinqac quiyim 'ue ca qareta'a, qam mashic qo'xoỹom, chaqai 'ue ca qarqaỹa ñaqai noctoqui'. Ca'maxare ne'qaañi na' mashic qo'xoic ñi qareta'a. Chaqai qai'neeta shinqac ñi qareta'a ỹaatqajam lauochaxat, ma' qaiñiita no'ueeno'ot cá'ogue acá'maq late'e', ma' cá'maq liỹa lqaỹa ileu.

Génesis 44:28

So 'óna mashic shi'gue ỹoxogue, ca' chaqaica vigui, ca' tot seuana. Ỹaatqajam llic quiyim 'uo' ca isecỹac ito.

Génesis 45:26

Ca co'na' qara'qaataxana so Jacob quiyim so llaalec José ñaqa 'ue nca'leetauec, chaqai chaqaiso só'maq reloqota'a yá'ogue yi 'laua Egipto, ca tot ỹa'den ca 'neeta chaqai qaica ca 'naac, ma' sqai huelec dá'maq qaỹa'xatetac.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Mateo 2:18

Qara'qaataque da nivillaxac 'maxa'ñi yi Ramá, oỹenaxac chaqai da naualaxac. Chaqaño' añi Raquel noỹenteguelec na llaalqaipi, chaqai se ỹa'maxaren qaicochaq, ma' mashic shi'gue ileue'.