Génesis 41:56 - La'qaatqa ñi qota'olec Qota'olec & Qota'olec Novita Na Qomyipi

⁵⁶ Ca co'na' so nqopaaxa ỹoviraqtec yá'ogue yi 'laua, ca' so José ỹauatouguilo naua'que naua lapoonaxaqui' na trigo. Ca imeenot na Egipto laseripi, ma' na nqopaaxa lama'xa nqo'neetauec.

Génesis 41:56 Iomraidhean Croise

Génesis 12:10

Ca' quesaua na'xata' ỹaatqajam chalego da lovic na na'ic quesá'ogue so 'laua. Ca' so Abram quepegue' yi Egipto, ca' naalec lecocho'qui', ma' qaica ca qaỹa'ic quiyí'maq neeta'ñi.

Génesis 41:30

Ca ma' ime'ueque, ca novite' caua siete ñaxari ỹaatqajam chalego nouenaxanaxa. Ca ma'le, ca' qaica ca ỹo'leenta'a ca quiyim qaican qoue quiyi Egipto. Ma' ca nouenaxanaxa i'xoraqachit ma'le na na'lauahi.

Génesis 41:35

Ca' lapoon ná'ogue na trigo quenaua lo'yaxanqa ñaxari naasaho, ca' qaỹa'ue ca lapooqo', qaiyi shichi' loqoisa'a. Ca' qaỹa'maxat, qailla'ñi na na'aateripi, qaiyi loq ma'le na qomyipi.

Génesis 41:55

Ca co'na' ỹoviro'ot na lqopaaxa ná'maq na'ñi yi Egipto, ca quepegue' so Faraón qaỹashiila quena trigo. Ca' so Faraón 'naaco' quena Egipto laseripi: —Quiipegue' ca José, ca cá'maq 'naac, ca' chaqaida nqai'ñii.

Génesis 41:57

Ca' na qom chicqote'ogalo quenaua na'aate' quiyi Egipto, rishiujnaxantaque na trigo queso José, ma' quená'ogue na 'laua qaica ca na'ic.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 43:1

So nqopaaxa nqo'neuec quiyi 'laua.

Zacarías 5:3

Ca na'le, ca 'naapiguiỹa': Ca' chaqaiyi hueetalec qoỹeretañi dá'maq se no'uen ỹovita nqohin yá'ogue yi 'laua. Ma' chaqaida dá'maq qoỹeretalgoto naua'que naua lahil, ca' cá'maq rocachi loqo'm ca ỹaanec ca la'qaatec nallitalta', qam se ipaguigui ca la'qaatec, ca chaqa'ma' 'ue ca nouaxanaxaset.

Lucas 21:35

ca 'neetam aca noqoinaxanaxaqui quiyim pogui. Ca 'eda da 'neeta ma'le ca loviraxac cajo na'xa'a ma' qanovita ná'ogue na qom hueetalec na 'laua.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,