Génesis 41:51 - La'qaatqa ñi qota'olec Qota'olec & Qota'olec Novita Na Qomyipi

⁵¹ Ca' so 'auaxaic llaalec ỹanegue leenaxat Manasés, loqo'm scoua'e, ma' 'naaco' da la'qaatec: Ñi qota'olec scoua'e nqai'en sá'ogue so i'xoric chaqai ná'ogue na iuo' laseripi.

Génesis 41:51 Iomraidhean Croise

Génesis 41:30

Ca ma' ime'ueque, ca novite' caua siete ñaxari ỹaatqajam chalego nouenaxanaxa. Ca ma'le, ca' qaica ca ỹo'leenta'a ca quiyim qaican qoue quiyi Egipto. Ma' ca nouenaxanaxa i'xoraqachit ma'le na na'lauahi.

Génesis 41:50

Na' saqa' novite' saua ñaxari chalego da nouenaxanaxa, ca' so José mashic dos saua llaalqa caso loua Asenat.

Génesis 41:52

Ca' so dalaxaic llaalec, ca ỹanegue leenaxat Efraín, loqo'm paguelec ana ỹaxataxai, ma' 'naaco': Ñi qota'olec ỹo'uet quiyim 'ue na ỹaalqaipi quena 'laua hua'ñi na 'xoic da ñqa'viic.

Génesis 48:1

Ca' quesaua liỹa' na'xata', ca 'uo' so la'xaỹaxac so José quiyim so leta'a ralola. Co'na'le, ca' so José eec ra'ajnaxana, ỹauegue' saua dos llaalqa Manasés chaqai so Efraín.

Génesis 48:5

Hua', ca nagui naua qachaalaxahi' Efraín chaqai Manasés nauá'maq ne'xaỹoqsoqote' najo Egipto na' saqa' ñovita qami' quenajo 'laua, taỹoto aỹim naua'maxare, quiyim ỹalamaxarete' 'neete'm saua Rubén chaqai so Simeón.

Job 11:16

Ca' coua'ire'e ma'le da re'xoriqui'; ỹaatqajam 'ec ca huaxaỹaq quiyim 'miñi. (11.17—12.24 So Zofar queetalec da letaxaỹaxac queso Job, ca' so Job ỹa'ue da lopilaxaset da la'qaatec.)

Salmos 45:10

Ñaq na'xaỹaxañi', qami' ỹaalo'lli'; ỹaatqajam na'ijñitetegue dá'maq sham shinac caqami': Totaxan o'lliinchirapega na rqaỹachi'ipi chaqai ná'maq chi qauochi',

Proverbios 31:7

¡le'neetari' ñaq ne'et, qaiyi tot ỹo'leenta'a da le'xoric chaqai da lachitachic!

Isaías 65:16

Ñi qara'gaxala' qota'olec 'naac: Canchaqaica 'ue ca rashiilaxanaque quiyim qano'ueenaxat ca llicyaxac quenajo 'laua, ca' yashiila, ỹim qamaxaraic qota'olec; chaqai canchaqaica quenajo 'laua ỹaanec ca la'qaatec quiyim nallitalta', ca ỹaañiỹot ca la'qaatec, ỹim qamaxaraic qota'olec. Sauá'maq 'auaxaiqa ne'xoyaxaco mashic qaicoua'ahi, ma' pale', tot seuanalo.

1 Samuel 1:20

Ca co'na'le, ca 'man aso Ana. Ca co'na' ỹovirec ca laloqo', ca ne'qaaño' so llaalec. Ca ỹanco' leenaxat Samuel (loqo'm nashiilaxanaxat), ma' lashiilaxanaxato' na'le quiñi qara'gaxala'.