Génesis 41:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

Génesis 41:46 Iomraidhean Croise

Génesis 37:2

Ca' dajo dá'maq na'qaataxac só'maq llaalqaipi so Jacob. Ca co'na' mashic ne'nec so José na' mashic ỹovite' saua diecisiete ñaxari, ca' reloqota'a ana qagreta, liỹareta'pe saua lqaỹa' saua llaalqa aso Bilha chaqai aso Zilpa sauá'maq chi leloxoỹaxanata so leta'a. Ca' so José ra'qaataxanem so leta'a quiyim ỹaatqajam se no'uen da no'ueenataxague' saua lqaỹa'.

Génesis 41:47

Ca' quiyi 'laua ỹaatqajam 'xoic laỹaxac quesaua'que saua siete ñaxari sauá'maq hueraugui quiyim qaica ca qaỹouen.

Génesis 42:8

So José chaqa'ma' no'ueneguelo saua lqaỹa', qam saua'maxare se no'uentegue so'maxare.

Génesis 45:6

Mashic ỹovite' dos ñaxari nagui nqopaxaqui' quenajo 'laua, chaqai saqa'lecaua caua liỹa' cinco ñaxari qaica ca qanaqat, 'eno'm 'ue ca qoỹanñi.

2 Samuel 5:4

So David mashic ỹovi' treinta ñaxari na' qoỹano nashi. Ca' ỹovi' cuarenta ñaxari quiyim nashi.

1 Reyes 12:6

Ca co'na'le, ca' so nashi Roboam eec renataxana so qo'xoiquipi só'maq lotauaripio' na'le so Salomón co'na' ñaqa 'ue so'maxare. Ca renataxano' so'maxare, 'naaco': —¿Negue' ca 'neeto' ca ra'qaachiguii 'maxaraic caỹim, qaiyi sasaachiguit na qomyipi yinatetac?

1 Reyes 12:8

Qam so Roboam se na'xaỹaxana da 'naac so qo'xoiquipi. Ca' inat so ne'naqaipi só'maq chi naloxouaripi chaqai chi nalliripi.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Daniel 1:19

Ca' so nashi retaxaỹa'pegueto saua'maxare, ca quesá'ogue so ne'naqaipi qaica ca ỹanata 'nejme' saua Daniel, Ananías, Misael chaqai so Azarías. Ca saua'maxare chaqa'ma' no'ueendañi quiyim ro'ueenataxantot so nashi.

Daniel 1:4

na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Lucas 3:23

So Jesús co'na' ỹovite' treinta ñaxari, ca taañi ro'ueenataxan. So'maxare qohintapega llaalec so José, ca' so José leta'a so Elí,

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

1 Samuel 16:21

Ca' chaqaida da 'neeto' so David na' ỹovira'a so Saúl. Ca chaqa'ma' ro'ueenataxanot, chi ỹovireta'a quiyim so Saúl nqo'ta so'maxare, ca' ỹano quiyim lotaua.