Génesis 41:42 - La'qaatqa ñi qota'olec Qota'olec & Qota'olec Novita Na Qomyipi

⁴² ca' so Faraón naqate'e aso lichicshaqate asó'maq hueetalec aso netanaxasete quiyim nashi, ca' ỹanñi nqai'en so José. Ime, ca relaataxanlec quiyim qaỹa'vii saua loho lo'yaxanqa chaqai nqolaanñi nqohin aso nqola oro.

Génesis 41:42 Iomraidhean Croise

Génesis 38:18

Ca' so Judá 'naaco': —¿Negue' cá'maq vi'saque quiyim ño'ueenaqtañi? Ca aso'maxare 'naaco': —Ỹim sahotaque quiyim no'ueenaqchirañi ana retanaxanqachi'i' quena' 'chiriñi ca qadeenaxachi', liỹa'uegue' na lequet, chaqai ana rashillichi'i' lo'qo'isa'a. Ca' so Judá ỹaane' saua'maxare, ca nenañi'ñi' aso'maxare. Ca' i'manqachitañi.

Génesis 41:43

Ca co'na' ime, ca' renojñigui nqai'en aso nahoglena, chaqai'eno' quen coỹaretaho casó'maq chi lahi'. Ca' relaataxan quiyim 'ue na 'aueta ỹaualqatagui 'naacsa': ¡Ñaqai huachigue ca ñic! Ca' chaqaido' da 'neeta na'le na' so José qoỹanagui quiyim idaanlec yá'ogue yi 'laua Egipto.

Ester 10:3

So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.

Ester 3:10

Ca co'na'le, ca' so nashi naqate'e aso lichicshaqate, ca' ỹaanem so Amán só'maq npa'guenaxaua na judioipi.

Ester 3:12

Ca na' ỹovire'oga so na'xa'a trece queso 'auaxaic shiraigo queso ñaaxa, ca qaroỹaxane'oga so leraxanqajanqaipi so nashi, ca' ỹiriñi dá'maq la'qaatec so Amán, ca' qailata na nashillipi reloqota'alo naua liỹa' 'lauari qoỹeretalec nauá'maq chi la'qaatqa ná'maq qomyipi reloqota'a chaqai hueetalec da leenaxat so nashi Asuero chaqai qaỹotocqotañi aso letanaxanqate so lashi na nashillipi.

Ester 8:10

Na nelaatallipi hueetalec da leenaxat so nashi Asuero, ca na' ime quiyim qaỹotogoxolec aso letanaxanqate so nashi, ca' qailategue na lere lo'ollipi quená'maq neetalec na yaqaic shipiguiripi quená'maq chi laloipi so nashi.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Ester 8:2

Ca co'na'le, ca' so nashi naqate'e aso lichicshaqate liỹo' icona na'le queso Amán, ca' ỹaanem so Mardoqueo. Ca' aso Ester, ca' ỹano so Mardoqueo quiyim neloxoỹaq quedá'ogue da lesallaxa chicqo'ot so Amán.

Ester 8:8

Nagui, ca' selarelgoto qamiri quiyim 'chiiñi cá'maq chi ra'qaachiguii. 'Viiquiñitac cá'maq 'ñiita'gue paguec 'maxaraic na judioipi, chaqai ¡togoxoilec aca itanaxanqate! (Ma' aca lere mashic hueetalec da leenaxat ca nashi chaqai qaỹotocqotalec aca letanaxanqate, tot qaishit qaỹosogui.)

Salmos 73:6

Vichiguiño' da nemaqajnaxac nqolaantañi, chaqai 'ec looỹac ỹantañi da nco'uaxac;

Proverbios 1:9

ma' caqami' ma'le, ca 'ec ca no'uen no'ueetaxachi': 'ec aca rqola'e', loqo'm aca nashi nado'o ñi'sañi.

Proverbios 31:22

Chaqaca nodajlec ỹo'ueete' naua le'laalqo, chaqai ỹantegueñi ná'maq no'uen nooỹac.

Proverbios 31:24

Aca'maxare ỹo'uet ana loxoqui chaqai na saataxaqui, ca' imeenot na nemeenaxaiquipi.

Cantares 4:9

Mashic cuachita añi i'taxanata, qami' lo'yaxana ñapiitaxaua; mashic cuachita añi i'taxanata, ca na'chaqai 'oonoqui' ra'ira'a aỹim, queso 'oonoqui' lequet ana rqola'e'.

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.

Lucas 15:22

Qam so leta'a 'naapego' so lelaatqaipi, 'naaco': “Chaqa'ma' coñiỹalo caua no'viiñi noho, ca' ỹañiñi nqai'ñii, chaqai ỹanñi nqai'ñii aca lichicshaqate chaqai caua lapelate'.

1 Samuel 18:4

Chaqai so Jonatán naqate'e so napoxoqui chaqai so lachiimec ỹantañi, ca' ỹaanem so David, chaqai so lecat, chaqai aso lo'xoshic, chaqai so nosaataxaqui.