Génesis 41:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca' ỹim shiriñi qami' quiyim qami' ỹotaua quiyim loqoisa'a ná'ogue na 'laua Egipto. Ca co'na' 'naac dajo,

Génesis 41:41 Iomraidhean Croise

Génesis 39:22

Ca ilarelec quiyim reloqota'a sá'ogue so ncoñiitecseripi. Ca' so José chaqaiso' quen só'maq relaataxanlec ná'ogue ná'maq qaỹo'uet caso ncoñiitaxanaxaqui.

Génesis 39:5

Ca' quecá'maq na'xa'o' na' so Potifar pataxalec so José quiyim reloxoỹa'a yi la'a' chaqai ná'ogue na louenqaipi, ca' ñi qara'gaxala' nqo'naxatec da lqouagaxa quiyi la'a' chaqai quena looỹac no'ueenaxa.

Génesis 41:44

Ime, ca 'naaco' so Faraón: —Ca 'eno'm ỹim nashi quená'ogue na Egipto, qaica ca redaỹac, no'm sqai 'ỹaañirec ca ra'qaachiqui'.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 45:8

Ca' chaqaiñi ñi qota'olec ñí'maq yila' quenajo, ca' mesqai qamiri. Ñi'maxare ñí'maq ỹo'uet quiyim aỹim lotaua ñi Faraón quiyim sa'xatem cá'maq 'neeta'gue, chaqai quiyim seloqota'a yá'ogue yi la'a', chaqai quiyim seloqota'a ná'ogue na 'laua Egipto.

Ester 10:3

So Mardoqueo só'maq judío le'ec, pa'aata'guit yi loma' so lashi na nashillipi. Ỹaatqajam chalego lecaic nqohin quena judioipi, nqo'itaxat quesá'ogue so lauo' laseripi, ma' ỹo'uet dá'maq ỹa'maqachiguiñi quesó'maq chi lauo' laseripi, chaqai reloquilec, qaiyi ỹa'maxañi so'maxare.

Proverbios 22:29

Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Daniel 6:3

Ca' so Daniel chaqa'ma' re'oq quiyim paguec ỹa'den da lo'ueenataxanaxac quesaua liỹa' neloxoỹa', ca vichiguiño' so nashi ỹahotaque quiyim pataxalec nashi quiyá'ogue yi 'laua.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Hechos 7:10

Ca' quepaqataxanteguelec quená'ogue na ne'guenaxaquipi, chaqai ỹaanem da la'deenaxanaxa, ca vire'ta qanqo'ta queso nashi quiyi Egipto, leenaxat Faraón. Ca' chaqaiso só'maq nashi Faraón ỹana'ñi quiyim so José lpa'axaua nashi, chaqai idaanlec cá'maq la'a' so nashi.