Génesis 41:32 - La'qaatqa ñi qota'olec Qota'olec & Qota'olec Novita Na Qomyipi

³² Ca' qami' dooso' pilalec da re'guemataxaqui' qaidaata, ma' ñi qota'olec ỹahotaque ipacalec ỹo'uet chaqai sqaỹaloq nqai'en.

Génesis 41:32 Iomraidhean Croise

Génesis 37:7

Se'guematetapega quiyim qomá'ogue seuqatalec yi no'ueenaxa, sahoqotaque ana qarcoñiita quena trigo. Ca' chi qaiuane'ta aso ỹaqata nachajñi ỹalamqachiguiñi. Qam saua rcoñitahi lapoorau'a aso icoñiita. Ime, ca' qanqouagaxainot.

Génesis 37:9

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Génesis 41:25

Co'na'le, ca' so José 'naaco' queso Faraón: —Saua dos re'guemataxagohi' saua'maxare 'oonoqui' da leloxoỹaxague'. Ñi qota'olec ichoxotem qami' dá'maq sham ỹo'uet ma'le.

Génesis 41:28

Ca' ipaquichigui dá'maq shi'gue shinac caqami': ñi qota'olec ichoxochiraxarom dá'maq ỹahotaque ỹo'uet.

Génesis 41:31

Mashic ỹapaguelec ma'le na nouenaxanaxa naata, ca tot qaỹo'leente cá'maq viquio' na' qaica ca qaỹouen.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Marcos 10:40

Qam dajo quiyim nqa'xañiñi queda ỹoic chaqai queda ñimaq, mesqaỹim ná'maq saanema qamiri. Ta'ta'a quiyim qoỹaanem cá'maq 'em mashic qaỹa'maxatetañi yi'maxare.

1 Corintios 2:9

Qalaxam taachigui dá'maq naneretañi na'qaatec, 'naac: Ñi qota'a ỹa'maxatetañi quiyim ỹaanem ná'maq nqo'ta ñi'maxare, quená'maq qaica ca iuana chaqai 'xaỹa, chaqai vire'ta se ỹa'deentapega.

2 Corintios 13:1

Ca' nagui ma'le quenajo, ca' tres sovitalo qamiri. Qam ná'ogue nanchaqaina quena nasauaxaset quiyim qaỹa'xat, ỹouen quiyim ra'qaataxane' caua dos, loqo'm tres qomi'.

Apocalipsis 9:15

Ca na'le, ca' qaỹosoorec saua cuatro nelaatqa, qaiyi ỹalauate' ñi 'óna quecaua tres qomi' quená'ogue na qomyipi. Ma' chaqaido' dá'maq 'em qaỹa'maxatesañi quiyim ỹovita ca na'xa'a naloqojnec hueetougui ca shiraigo chaqai ca ñaaxa, ca qaleuote'talo.