Génesis 41:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca ma' ime'ueque, ca novite' caua siete ñaxari ỹaatqajam chalego nouenaxanaxa. Ca ma'le, ca' qaica ca ỹo'leenta'a ca quiyim qaican qoue quiyi Egipto. Ma' ca nouenaxanaxa i'xoraqachit ma'le na na'lauahi.

Génesis 41:30 Iomraidhean Croise

Génesis 41:21

Qam na' mashic qo'gue', qam qaica ca retane', ma' saua'maxare chaqaidaata da 'neesari' ỹapo'otem'. Na'le, ca' ñilouec.

Génesis 41:27

Ca' saua siete huaca la'axahi chaqai ỹapo'otem' co'uaataxansashiguim quesaua liỹa'. Qai'neete' siete ñaxari ca chaqai 'nejme' saua siete nasoolqa roỹapite' chaqai ỹasoote' sauaxat na nonot lqodoiguesec, saua'maxare taỹauguilo caua siete ñaxari ỹaatqajam chalego da nouenaxanaxa.

Génesis 41:31

Mashic ỹapaguelec ma'le na nouenaxanaxa naata, ca tot qaỹo'leente cá'maq viquio' na' qaica ca qaỹouen.

Génesis 41:51

Ca' so 'auaxaic llaalec ỹanegue leenaxat Manasés, loqo'm scoua'e, ma' 'naaco' da la'qaatec: Ñi qota'olec scoua'e nqai'en sá'ogue so i'xoric chaqai ná'ogue na iuo' laseripi.

Génesis 41:54

Ime, ca eec queuguilo saua siete ñaxari ỹaatqajam 'xoic da nouenaxanaxa. Ca ipaquichigui dá'maq 'naaco' na'le so José. Ca 'xoic na nqopaaxa quenaua'que naua lahil yi 'laua, qaiyiita yi Egipto 'ue na na'ic.

Génesis 41:56

Ca co'na' so nqopaaxa ỹoviraqtec yá'ogue yi 'laua, ca' so José ỹauatouguilo naua'que naua lapoonaxaqui' na trigo. Ca imeenot na Egipto laseripi, ma' na nqopaaxa lama'xa nqo'neetauec.

Génesis 47:13

Quiyá'ogue yi 'laua qaica ca hua'gue ca trigo, chaqai da nqopaaxa lama'xa nqo'neetauec. Quiyi Egipto chaqai yi Canaán ileueta'oguit na qom quena lqopaaxa.

1 Reyes 17:1

So letaxaỹaxaqui ñi qota'olec leenaxat Elías, na'ñi yi na'a' Tisbe, huaugui yi 'laua Galaad, 'naaco' queso nashi Acab: —¡Ñallitalta' quiñi qara'gaxala', ñí'maq qota'olec queso Israel, ñí'maq so'ueenataxantacot, quiyim quenauajo ñaxari sqaica ca ỹaxat chaqai aca 'ỹa', toco' ma' ỹovita quiyim 'ue ca sa'xat!

Proverbios 31:7

¡le'neetari' ñaq ne'et, qaiyi tot ỹo'leenta'a da le'xoric chaqai da lachitachic!

Isaías 65:16

Ñi qara'gaxala' qota'olec 'naac: Canchaqaica 'ue ca rashiilaxanaque quiyim qano'ueenaxat ca llicyaxac quenajo 'laua, ca' yashiila, ỹim qamaxaraic qota'olec; chaqai canchaqaica quenajo 'laua ỹaanec ca la'qaatec quiyim nallitalta', ca ỹaañiỹot ca la'qaatec, ỹim qamaxaraic qota'olec. Sauá'maq 'auaxaiqa ne'xoyaxaco mashic qaicoua'ahi, ma' pale', tot seuanalo.

Lucas 4:25

Llic quiyim ỹaatqajam 'xoic aná'maq pa'ỹe quesó'maq llaalqaipi so Israel queso na'xa'a co'na' 'ue so la'qaataxanqajnec ñi qota'a leenaxat Elías co'na' sqaica ca ỹaxat quesaua tres ñaxari chaqai saua seis shiriguiri. Chaqai ỹaatqajam 'xoic na nqopaaxa quiyá'ogue yi 'laua.

Santiago 5:17

So la'qaataxanqajnec ñi qota'a, leenaxat Elías, so'maxare qom 'neete'm qomi'. Qam na' nqouagaxain, ỹashiila ñi qota'a quiyim le'en ca ỹaxat, ca' qaica ca ỹaxat queuguilo saua tres ñaxari chaqai seis shiriguiri.