Génesis 41:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Co'na'le, ca' so José 'naaco' queso Faraón: —Saua dos re'guemataxagohi' saua'maxare 'oonoqui' da leloxoỹaxague'. Ñi qota'olec ichoxotem qami' dá'maq sham ỹo'uet ma'le.

Génesis 41:25 Iomraidhean Croise

Génesis 40:8

—'Ue so qare'guemataxac, qam qaica cá'maq ichoxot ca leloxoỹaxac —'neraco' saua'maxare. —Ca ¿mesqaiño' ñi qota'olec ñí'maq ichoxot cá'maq leloxoỹaxac? —'naaco' so José—. Qamaxahi, 'xachii caỹim cá'maq re'guemataxaguii.

Génesis 41:16

Ca' so José 'naaco': —Qam mesqaỹim chicqochigui. Qam ñi qota'olec ỹaañiraxarom ca leloxoỹaxac, qam da'maxare chi ra'maxa'e'.

Génesis 41:26

Saua siete huaca lo'yaxana, saua'maxare siete ñaxari, ca chaqai 'nejme' saua siete nasoolqa. Qaidaata dá'maq leloxoỹaxague'.

Génesis 41:28

Ca' ipaquichigui dá'maq shi'gue shinac caqami': ñi qota'olec ichoxochiraxarom dá'maq ỹahotaque ỹo'uet.

Génesis 41:32

Ca' qami' dooso' pilalec da re'guemataxaqui' qaidaata, ma' ñi qota'olec ỹahotaque ipacalec ỹo'uet chaqai sqaỹaloq nqai'en.

Salmos 98:2

Ñi qara'gaxala' na'le ỹa'xateta'guit quiyim rauegaxan, ñi'maxare re'oq nqai'en dá'maq no'uen lo'ueenataxanaxac, ỹauanchigui nqai'en ná'ogue na ỹoreta'oguit qomyipi quena 'laua;

Éxodo 9:14

Ma' nagui sahotaque quiyim senaxalec qami' ná'ogue na ỹouaxanaxanqateripi, chaqai na rotaua'e'ipi, chaqai na qauochi' laseripi, qaiyi 'yiiñi' quiyim qaica ca 'nejem aỹim quená'ogue na 'laua.

Isaías 43:9

Lapohiỹata' qamiri ná'ogue ná'maq ỹalamaxareteripi, lapohiỹata' ná'ogue na ỹoreta'oguit qomyipi. ¿Negue' cá'maq shi'co' ỹa'xat na'le dajo quena'maxare, loqo'm quiyim ỹa'xat só'maq shi'gue ỹoxe'uegue? Naueguero caua lqoshaxaua' quiyim i'taxachiñi dajo, qaiyi qara'xaỹa, ca' qai'taxajñi quiyim lliqueta.

Amós 3:7

Ñi qara'gaxala' se ỹauana quiyim 'ue ca ỹo'uet quiyim se ỹa'deenaxanaxanegue na lelaatqaipi letaxaỹaxaquiripi.

Mateo 24:40

Ca' quecajo na'xa'a dos caua ỹale' hueesalec ma'le na no'ueenaxa, ca 'óna ca qai'xat ma'le, ca' ca liỹa qano'ueenaqtañi.

Marcos 13:23

Qam ỹaatqajam ra'iichigui dá'maq shinac caqamiri, ma' ỹim shinac na' saqa'leca canchaqaica.

Efesios 1:17

Sashiilatac ñi qota'olec queso qara'gaxala' Jesucristo, ñí'maq chalego lecaic qareta'a, quiyim ỹaanema qamiri ca na'deenaxanaxa chicqo'ot nqai'en so Espíritu, qaiyi 'yiiñii cá'maq ỹachaxañiỹaxarom chaqai quiyim ỹaatqajam 'yiiñichigui dá'maq 'neeta ñi'maxare.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.