Génesis 40:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca co'na' ỹovirerec saua tres na'xata', ca ỹovire'oga so na'xa'a ne'xaỹoqsoxoqui so Faraón. Ca' ỹo'uet so lemaqachic. Ca' que'e, qui'ỹa'e' ná'ogue na lotauaripi. Ca co'na' reloqota'guit so lalecseripi, ca' so Faraón relaataxana'alo so lashi na 'taxaqui lo'ollipi chaqai so lashi na pan lo'ollipi.

Génesis 40:20 Iomraidhean Croise

Génesis 21:8

Ca' so Isaac noquiiquetashiguim, vire'ta na' ỹaxanñi da lillipaxac. Ca' queso na'xa'a co'na' ỹaxanñi da lillipaxac, ca' so Abraham ỹo'ueeto' so lemaqachic lodegaxat.

Génesis 40:13

Ca' quenauajo tres na'xata', ca ñi Faraón lotqai liỹa ỹa'ajan cá'maq 'neeta cá'maq 'ñiite'. Ca lotqai liỹa ỹopilaxata'a qami' ca ro'ueenachiqui'. Ca' qami' lotqai pillichirigui dá'maq 'ñiisari'o' quen quesom quiyim 'ỹaañiso'ot aca ne'taxaqui ñi Faraón.

Génesis 40:19

Ca' quenauajo tres na'xata', ca' ñi Faraón lotqai ỹa'ajan cá'maq 'neeta cá'maq 'ñiite'. Ca ma'le, ca' relaataxanlec aqami' quiyim qarcoñiichirishiguim queca qo'paq. Ca anac na ỹoipi, ca' ỹa'ic na ra'aachi'.

1 Reyes 3:15

Ca co'na' nelouec so Salomón, ca ỹo'leente'te quiyim chi le'guemataxac dajo. Ca co'na' ỹovira'a yi Jerusalén, ca' quepegue' ca na'ñi aso lahite' saua laqataxaco ñi qara'gaxala'. Ca' ỹa'ue aso ỹavigaxat lachitaxanataxanqate chaqai aso liỹa quiyim pilot ñi qota'olec. Ime, ca' ỹo'uet so lqui'ỹaxac, ca nouante'e' sá'ogue so lotauaripi nashillipi.

2 Reyes 25:27

Ca na' ỹovirerec saua treinta y seis ñaxari, once shiriguiri, chaqai veintiseis na'xata' quiyim so nashi Joaquín ca'e nqohin yi Judá, viichigui na' nashi quiyi Babilonia so Evil-merodac. Ca so'maxare viichigui lauel quiyim i'xoren so Joaquín, ca naqatec cañi ncoñiitaxanaxaqui.

Ester 1:3

Ca' quesaua tres ñaxari quiyim nashi so Asuero, ca' ỹo'uet so nemaqachic lodegaxat que'e, lqui'ỹaxaua só'maq lotauaripi nashillipi, chaqai so nouaataxanaq lashillipi na'ñi yi Persia chaqai yi Media, chaqai na na'gaxalateripi chaqai na nashillipi quenaua liỹa' 'lauari.

Job 3:1

Ca co'na' shi'gom, ca' qaigueme 'ue da la'qaatec so Job, ca' se no'uen da ỹa'xat quecá'maq viquio' na' ne'qaañi so'maxare.

Mateo 14:6

Qam na' ỹovita ca laloqo' quiyim que'eelec quiyim ỹovire'ga ca na'xa'a ne'xaỹoqsoxoqui so Herodes, ca' aso llaale aso Herodías rasot, ca sá'ogue so lqui'ỹaxauaripi ỹa'ajantac. Ca' so Herodes ỹaatqajam nemeeten da rasotaxac aso'maxare.

Mateo 25:19

Ca co'na' shi'gom, ca' novi' so na'coote' saua nelaatqa. Ca so'maxare naloqochin ca lo'ueenataxanaxague' saua'maxare.

Marcos 6:21

Qam aso Herodías ỹanato' yi la'maqa' co'na' so Herodes ỹo'uet so lemaqachic na' ỹovirec so niñaaxa. Ca ỹo'uet so nqui'ỹaxac, ca' roỹaxana na lotauaripi nashillipi, chaqai na nouaataxanaq lashillipi, chaqai na nesallaxanqaipi na'ñi yi Galilea.