Génesis 40:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ma' chaqaỹim nocataxat quiyi qana'laua qomi' hebreo laseripi. Ca' sqa saiguit quiyim sentaugui ana ncoñiitaxanaxaqui, ma' sqaica quet cá'maq so'uet se ỹa'maxañi.

Génesis 40:15 Iomraidhean Croise

Génesis 14:13

Qam 'uo' so ỹale ñitec, ca eec quepegue' so hebreo le'ec, leenaxat Abram, neeta'ñi yi 'xoic ana qo'paq leenaxat encina, lalamaxaret so Mamre, so amorreo le'ec. So Mamre lqaỹo' so Escol chaqai Aner, ca saua'maxare chi lotaua' so Abram.

Génesis 39:20

Ca' iconlec so José, ca relaataxanlec quiyim qaicoñi', qoỹanaugui añi ncoñiitaxanaxaqui ñí'maq neetaugui so lcoñiitecseripi so nashi. Qam cañi ncoñiitaxanaxaqui

Génesis 40:16

Ca' so pan lo'o co'na' 'qa'ta so José na' ichoxot da leloxoỹaxac so ne'guemataxac, ca dá'maq no'uen taỹalec só'maq 'taxaqui lo'o. Ca 'naaco' queso'maxare: —Ỹim, qam 'neetayi da i'guemataxac: naxan 'vii saua tres lahiri na pan lalagaxaic neesañigui ana yoto.

Génesis 41:12

Ca' na' senqataugui añi ncoñiitaxanaxaqui, ca' 'ue ca qariỹa ne'nec hebreo le'ec. So'maxare la'aco' na'le so lashi na neloxoỹaripi. Na' sa'xatqaem ca qare'guemataxac, ca ca'maxare chaqa'ma' ỹa'xat ca leloxoỹaxac.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Juan 10:32

Ca' so Jesús 'naaco': —Ỹim ỹaatqajam 'xoic ná'maq so'uet ỹa'maqachiguiñi, huañichigui qamiri, sachigoxochichigui da lquesaxanaxa ñi ita'a. Ca ¿negue' cá'maq sasoualec quena'maxare quiyim viitaque yinaxahi quena qa'?

Juan 15:25

Qam dajo 'ue, ma' qaỹahotaque quiyim ipaquichigui nqohin da na'qaatec naneretañi queso naqataxaquipi qoỹaanema saua'maxare, ma' 'nerac: “Qaica quet cá'maq 'neeta, qam qanoquihaỹa'.”

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

1 Samuel 24:11

Ca' nagui, qami' qarashi, ñaqai 'ajñite' na llo'qoota'a: Najo lahi ana qapooto'e' ñichaxauec. Ca' shi'gue quet salauachi'. Ca vichiguiño' nagui, ca 'yiiñite' quiyim aỹim se sahotaque sa'ue ca shine'tegue qami', se spa'guiñi'sac chaqai se ñapaquiraxalec. Qam qami' yocañi'sac, vi'saque yalauachi'.