Génesis 40:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' mashic shi'gom, ca só'maq 'taxaqui lo'o só'maq qaỹamaxalec quiyim ỹaanapeguem na ne'taxat lataxa so nashi, chaqai so pan lo'o, 'uo' na'le ca lasauaxasete' queso na'coote', nashi quiyi Egipto, leenaxat Faraón.

Génesis 40:1 Iomraidhean Croise

Génesis 40:11

Ca' ỹim, naxan llo'qoota'a aso ne'taxaqui so Faraón nashi quiyi Egipto, ca naxan secono' quen aso 'úva, ca ñilami'ñigui na li'i aso 'taxaqui. Ime, ca lotqai chaqaỹim sañigui ana napoquena so nashi.

Génesis 40:13

Ca' quenauajo tres na'xata', ca ñi Faraón lotqai liỹa ỹa'ajan cá'maq 'neeta cá'maq 'ñiite'. Ca lotqai liỹa ỹopilaxata'a qami' ca ro'ueenachiqui'. Ca' qami' lotqai pillichirigui dá'maq 'ñiisari'o' quen quesom quiyim 'ỹaañiso'ot aca ne'taxaqui ñi Faraón.

Génesis 40:16

Ca' so pan lo'o co'na' 'qa'ta so José na' ichoxot da leloxoỹaxac so ne'guemataxac, ca dá'maq no'uen taỹalec só'maq 'taxaqui lo'o. Ca 'naaco' queso'maxare: —Ỹim, qam 'neetayi da i'guemataxac: naxan 'vii saua tres lahiri na pan lalagaxaic neesañigui ana yoto.

Génesis 40:2

Ca' so Faraón ro'ỹalo' saua dos lelaatqa, so lashi na 'taxaqui lo'ollipi chaqai so lashi na pan lo'ollipi.

Génesis 40:5

Ca 'uo' so pe, ca saua dos ncoñiiteguese', so 'taxaqui lo'o chaqai so pan lo'o, quiñi 'óna 'uo' ca le'guemataxac. Ca' queca 'óna ne'guemataxac 'ue cá'maq chi leloxoỹaxac.

Génesis 41:9

Co'na'le, ca 'naaco' so lashi na 'taxaqui lo'ollipi queso Faraón: —Nagui, ca ño'uene'tegue quiyim se no'uen dá'maq shintari'o'.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Ester 6:1

Ca' chaqaiso sojo pe so nashi sqaica ca lelaxac, ca vire'to' na' relaataxana'a quiyim qanodori' aso lere hueetalec ná'ogue ná'maq lodegaxat qaỹo'uet quiyí'maq qoyintalec 'laua, ca' qana'xaỹaxana quiyim qaretaqalec.