Génesis 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ Quetqai 'viichi'saco' ca ỹa'maqachiguiñi, ca' nedaañichirishiguim quet. Qam ma' sqai 'viichi', ca yí'maq rasauaxashichi' nauaantaque cá'maq la'maqa' quiyim qami' loxonec. Qam qami' quet ná'maq qadoxonqui' quet da'maxare.

Génesis 4:7 Iomraidhean Croise

Génesis 19:21

Ca' so 'óna quesaua'maxare 'naaco': —Sa'qaatapega dá'maq 'ñirac, ca so'uet dá'maq shiilaxañisaque. Se ñopoxoỹaxajñi yí'maq 'ñirac na'a'.

Génesis 3:16

Chaqai 'naaco' caso 'aalo: —Ñoquiigaxatec nagui da re'xoriqui' ma' ỹovita quiyim 'ue ca qachaalqui', chaqai ỹaatqajam 'xoic da nqui'ic ma' co'i'. Qam qami' pacqajñirauec da roua'e' chaqai da'maxare ỹoiquentac aqami'.

Job 11:14

Ca no'm 'xoic ca rasauaxashichi', ca' 'xañiriñi, chaqai sqai 'xañitegue ca se no'uen queca ra'aachi'.

Job 11:15

Qaiyi ma' na'irashiguim, qam co'teeta da rashicyaxaqui', re'maqaisapeuc, qaica ca ro'chi'raque.

Job 42:8

Ca' nagui, ca coñiu'alo caua siete toorol chaqai caua siete qagreta louaari, ca quiipegue' ñi ilaatec Job, ca 'ỹaañiuo quiyim qaỹavigaxat. Ca' ñi ilaatec Job nqouagaxainlgoto qamiri, ca' ỹim secoñiguit ma'le ca nqouagaxainaxac. Ca' sqaica ca shinegue caqamiri ma'le, ma' 'ue quet ca nouaxanaxashichii, ma' sqai 'xachii cá'maq lliqueta caỹim, sqai 'ñiita dá'maq 'ne'tegue ñi ilaatec Job.

Malaquías 1:10

¡Saxanchi' 'ue cá, caqamiri ishit ỹapoguilo naua lasomi' ñi no'ueenaxanaxaqui, qaiyi totqai liỹa qaicopata'a ca norec cañi ncopatoxonaxalate, qam qaica ca 'negue! Ma' tot ñitoonta'guelo qamiri, chaqai tot secoñiguit ná'maq rachitaxanataxanaxachii.

Malaquías 1:13

Ca' qamiri 'ñiỹac: ¡Qomi' mashic qarco'teuec quedá'ogue dajo! Ca chaqa'ma' se rqo'chiiua'. Chaqai 'neetapigui qavillii quiyim 'ue ca ñitoonaxac quena' nodohiuo ca rachitaxanataxanaxachii, qam rocataxachii, loqo'm aca huaca 'iirai, loqo'm ralolaxai.

Malaquías 1:8

chaqai 'ec 'maxaraic nqai'ñii quiyim 'ỹaañiỹot aỹim ca rachitaxanataxanaxachii isecỹac quiyim qai'laq, 'iiraic loqo'm ralolaxaic. ¡Mohi, quiipegue' na nashillipi, dohiuo ca rachitaxanataxanaxachii! Ca' ¡'ajñii, tegue' chi nqo'te'ta cá'maq ramii 'nejem ná'maq nodohiuo!

Hechos 10:35

Qaidaata quiyim icoñiguit canchaqaica qom quena 'laua cá'maq ỹa'maxate'tegue ñi'maxare chaqai ỹo'uet ca ỹa'maqachiguiñi.

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

Romanos 14:18

Cá'maq 'neetari' dajo quiyim ro'ueenataxanot so Cristo, ca' qaỹa'maxarenta quiñi qota'olec chaqai quena qomyipi.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Romanos 6:12

Ca vichiguiño' qamiri sqai 'xañii'tegue quiyim dá'maq se no'uen se neme ilaretac na roshicmaxahi ma' 'ue lqodoc, quiyim 'ec ỹilentalgoto qamiri quiyim 'viichii cá'maq ỹahotaque se no'uen.

Romanos 6:16

Ma' qamiri ỹaatqajam 'yiiñita quiyim no'm nañaañiỹot ca na'coori viitaque quiyim qamiri lelaatqa, ca quecá'maq 'naac, ca' na'xaỹaxañii'ta ca'maxare, ma' na'coori. Ca qaican ỹapaguec no'm quii'uegue da hualoxonqaishic na'xaỹaxañiỹa 'ñiita'gue ca na'coori, ca da'maxare noviraxat ma'le ca nelauaxa, loqo'm na'xaỹaxañiỹa ñi qota'olec, ca quiitalec 'viichitac dá'maq no'uen queda nachaalataxaguii.

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

1 Timoteo 5:4

Qam no'm aca pa'ỹe 'ue ca llaalec loqo'm laual, ca' caua'maxare ỹa'auaxane' idaandelec da chi no'ueenataxague', chaqai quiyim ỹotauane' ca chi lauote' le'ec, ỹo'leenta'a dá'maq notauanaxac quecaua leta'al, ma' dá'maq dajo dá'maq ỹaatqajam no'uen chaqai nqo'ta ñi qota'a.

Hebreos 11:4

Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Santiago 1:15

Ca' dajo nqo'itaxanqachic queda se no'uen, da'maxare chicqaugui ca nasauaxaset. Ca' dajo nasauaxaset ma' ỹovita ca laloqo' quiyim 'ec ỹi, ca re'oq quiyim 'eco' chicqaugui da nelauaxa.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.