Génesis 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam sqai 'ne'tegue dajo na' ra'ỹa'a so Caín chaqai aso lachitaxanataxanqate. Co'na'le, ca' ỹaatqajam ro'o so Caín, ca' ỹoqa'a na lashic.

Génesis 4:5 Iomraidhean Croise

Génesis 31:2

Ca so Jacob ra'ỹo'ot qai'neeta so Labán, ca' ỹoqa'a na lashic, mesqai 'nejem na' ñaqai 'aueta.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Génesis 39:19

Ca' dá, 'ne'tegue caỹim ñi ra'aqui'. Ca ỹaatqajam ro'o' na'le so na'co' so José, co'na' 'xaỹa da la'qaataxanaxac aso loua.

Job 5:2

Nañaañichiguit da nqui'ic loqo'm da ne'xoric, da'maxare ỹaatqajam qaica ca 'negue, qam ỹaueca'a qami' da nelauaxa.

Eclesiastés 4:4

Seuana qai'neeta quiyim 'xoic ca no'ueenataxanaxac chaqai quiyim nqo'neuec ca no'ueenataxanaxac chicqochigui quiyim 'ue ca npa'guenta'ta', ca' dajo qai'neeta qaica quet cá'maq 'negue, chaqai 'ec qaỹahotaque neconecsec ca nonot.

Mateo 20:15

Ca' ¿se ỹa'maxaño' quiyim soiquentac canchaqai shinta'gue aná'maq ỹam? ¿Loqo'm pa'guiñisa'a quiyim aỹim 'naxanaxaraic?”

Hechos 13:45

Qam co'na' so judioipi iuane'ta so 'xoic qomyipi, ca se ỹa'maxaren. Ca' quiyi, ca retaqata'guit da la'qaatec so Pablo chaqai qaishiuentac.

Hebreos 11:4

Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.