Génesis 4:2 - La'qaatqa ñi qota'olec Qota'olec & Qota'olec Novita Na Qomyipi

² Ime, ca' lotqai 'ue so liỹa llaalec leenaxat Abel, lqaỹa so Caín. So Abel ỹalamqajlec quiyim neloxoỹaq cana qagreta, chaqai so Caín ỹalamqajlec da lo'ueenataxanaxac danaxantac, ỹanteguelec na 'laua.

Génesis 4:2 Iomraidhean Croise

Génesis 3:23

Ca' vichiguiño' ñi qara'gaxala' qota'olec naqata'a so ỹale, ca'e nqai'en yi nanaxanqa' huaugui yi 'laua leenaxat Edén. Ca' ỹo'uet nqai'en na 'laua ná'maq chicqaugui na'le so'maxare co'na' qaỹo'uet.

Génesis 37:13

Co'na'le, ca' so Israel 'naaco' queso José: —Caua rqaỹachi' hueesa'gue da Siquem reloqosa'a ca qagretaipi. Ca' ỹim sahotaque quirepegueto 'ajnaxañitalo. —Ajá'a, hua', ỹim shico' —'naaco' so José.

Génesis 4:1

Ca' so ỹale mashic viguit aso loua Eva, ca 'man aso'maxare, ca 'uo' so llaalec Caín. Ca 'naaco': —Mashic 'ue ñi ỹaalec ỹale; nañaañim ñi qara'gaxala'.

Génesis 4:3

Ca mashic 'vio' saua ñaxari, ca 'uo' so na'xa'a so Caín ỹodouo' aso lachitaxanataxanqate quiñi qara'gaxala', ỹachigoxotaugui na laỹaxac da lo'ueenataxanaxac.

Génesis 47:3

Co'na'le, ca' so Faraón inate' saua lqaỹa' so José. 'Naaco': —¿Negue' cá'maq ỹaatqajam ro'ueenachiguio' quen? Ca saua'maxare 'neraco': —Qomi' ma' qomi' relaataxahi', dá'maq qaro'ueenataxanaxac 'neetasa': Qomi' neloxoỹa' cana qagreta, shinqatam yí'maq 'auaxaic qareta'allipi.

Génesis 9:20

So Noé ro'ueenataxantac quena 'laua, ca chaqaiso' só'maq 'auaxaic ỹanñi ana 'úva.

Salmos 127:3

Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

Éxodo 3:1

So Moisés reloqoto'o' quen aso lalo qagreta so niỹoqo' Jetro, da liỹa leenaxat Reuel, só'maq letaxaỹaxanqajnec na neeta'ñi yi Madián quena' qaretaxaỹa'pegue' na nenatqaipi. Ca 'uo' so na'xa'a, ca' so Moisés ỹo'degue aso qagreta yi 'laua qaica qom, ca ỹoviraqteta'a aso qa' ladocai Horeb, da liỹa leenaxat Sinaí, asó'maq lalamaxarete ñi qota'olec.

Amós 7:15

qam ñi qara'gaxala' naqata'a aỹim quiyim seloqota'a ana qagreta. Ca 'naac caỹim: Mo'e', 'xachi' da ỹa'qaatec quiyi qomyipi quiyi Israel.

Lucas 11:50

Ca' najo qomyipi hueetaugui nagui, ñi qota'olec ro'laxana'pegue' ma'le ná'ogue na leuoripi só'maq la'qaataxanqajanqaipi shi'gue qaỹalauat, chicqochi'ñi nqai'en na' ñaqai chita'gue qaỹo'uet na 'laua.

Lucas 11:51

Ca' chicqochi'ñi nqai'en co'na' qaỹalauat so Abel, ca chi ỹovireta'a ca nalauataxac so Zacarías, na' qaỹalauat huaugui añi no'ueenaxanaxaqui late'ogue' yí'maq na'ñi aso ncopatoxonaxalate. Ca' vichiguiño' shiñiỹapegaxaua' quiyim ñi qota'olec ro'laxana'pegue' ma'le da lelauaxa so qomyipi quenajo qomyipi hueetaugui nagui.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

1 Juan 3:10

Chaqai qaỹa'den negue' cá'maq ỹaatqajam llaalec ñi qota'a chaqai negue' cá'maq llaalec so na'ỹaapec, ma' canchaqaica quiyim se ỹo'uet ca ỹa'maqachiguiñi, loqo'm quiyim se i'xoren ca lqaỹa, se lalamaxaret ñi qota'a.

1 Juan 3:12

Ca' qomi' sqai shinqata so Caín, ma' queeta'pegue' so na'ỹaapec, ca' ỹalauat so lqaỹa Abel. Qam ¿chi'neco' ma' ỹalauat? Ma' so Caín ỹo'ueetetac da se no'uen, qam so lqaỹa ỹo'ueetetac dá'maq no'uen.

1 Juan 3:15

Ná'ogue ná'maq ñaq noquiaatapega ca lqaỹa, lauataxanaxai. Chaqai qamiri 'yiiñita queca lauataxanaxai sqai hueetagui añi le'taxanata ca nca'laxa sqaica lqodoc.